Plenchi

Bèl a bati TRINGG TRINGGG bèlèm........ TRINGG TRINGGG bèlèm........

Nos a drenta mart ku un spit..ehe. Ta manera ta kore nos ta kore. Pero

nos ta gradisí pa e posibilidat pa por kore, kana, tin biaha kai lanta pero

perseverá kada dia.

Nos a selebrá nos siman katóliko ku gratitut ku nos por selebrá Kristu

Hesus su presensia den nos bida, nos kas i nos skolnan.

Ban balorá bida, ban biba ku otro i pa otro. Un felis siman pa boso tur.

Riba roster Siman di skol katóliko. Diferente aktividat a tuma lugá den e siman di 4

pa 11 di mart. Riba e potrètnan nos ta duna un bista di algun di e

aktividatnan ku a tuma lugá. Otro siman nos lo pone mas potrèt.

Not’é riba bòrchi Pabien na tur skol ku a partisipá den e Kues di fundashon TUR TA

KONTA. Tur partisipante ya ta ganadó pa nan afan pa motivá nos

hóbennan pa mehorá nan abilidatnan di matemátika. Kada

partisipashon ta trese emoshon di kompetensia positivo i e gana pa

komo grupo logra lo máksimo. Pabien na tur e skolnan, maestronan i

alumnonan ku nan partisipashon. E alumnonan di grupo 8 di e skolnan : St. Franciscus College, Johan van

Walbeeck school, Advent school Bonam i M.M. Römer school a partisipá na e

ronda final di e kues dia 4 di mart. Den e kues aki nan a demonstrá nan

abilidatnan i talentonan riba e tereno di aritmétika i matemátika. E ganadó a

resultá Johan van Walbeeck school ku un total di 11 punto. Na di dos lugá a

sali St. Franciscus College i M.M. Römerschool school ku kada unu un total

di 10 punto. Na di tres luga a sali Advent school Bonam ku un total di 7

punto. Riba e pòtrètnan boso por haña un bista di e esfera dene kompetensha.

E potrètnan ta riba e facebook di Kues Tur ta Konta pues nos ta gradisi nan

pa share ku mundu. Nos di nos parti ke yama danki na e motornan tras di e

fundashon Tur ta Konta. Espesialmente na Etienne Ys i Frank Konings.

Den agènda Liber di skol:

Mart dia 26 pa aprel dia 4 Pasku Grandi.

Liber nashonal:

Mart dia 30 Bierne Santu

Aprel dia 2 Dos dia di Pasku Grandi.

Riba rapòrt St. Franciscus College ta masha kontentu ku e promé premio individual den e kompetensia “Tur ta konta”. Zexing Wu di St. Franciscus College a haña 23 di e 25 puntonan pa e titula kampion di e kompetensia. Zexing Wu pa un aña lo karga e título di Kampion di aritmétika di Kòrsou i e a gana un premio di f 500,- i un medaya di oro. Kuater alumno a alkansá e puesto di dos finalista (kada unu ku 22 punto) Lucas Ten Houte de Lange di Johan van Walbeeck school, Kizane Garmers di M.M. Römerschool, Jerôme Da Costa di Vigdis Jonckheer Mensing College, Pei yan Zhong di Kolegio Chaya Willems. Kada unu a risibí un premio di f 350,- i e di tres premio a bai pa Ariane De Freitas di Vigdis Jonckheer Mensing College i Patrick Hook di Dr. Albert Schweitzer schoo. Pabien na tur partisipante. Zexing Wu a partisipá aña pasá tambe ku skol na e kompetensia “Tur ta konta” komo alumno di grupo 7. E aña ei tambe el a demostrá ku e ta hopi bon den aritmétika. Pero awor ku el a yega grupo 8 naturalmente el a bai hopi mas dilanti den su abilidat. Pabien na henter e tim di skol ku e logro grandi aki.

Mi ta konta

Winto ke subi fli

“Ma ta unda Winto a keda antó?” Papai no ta kontentu. Tur dia Winto ta pidi

papai pa yud’é traha un fli grandi koló blou ku pretu, pa nan subi riba e

tereno bashí patras di kas. Papai a pensa ku awe tin bon bientu. Nèt awe

Winto ta serka Ashley atrobe? “Fo’i dia Ashley a bin biba den bario, Winto

no ta para na kas,” papai a gruña.

Mamai no a bisa nada. E tampoko no gusta kon Ashley ta manda riba su yu.

Pero e ta kere ku Winto mes lo bin fada di tantu ku Ashley ta domin’é. Ya

mamai a mira un kambio. Promé Winto tabata bai siegamente tras di Ashley.

Tur kos na kas di Ashley ta mihó. Ku wowo grandi di eksitashon Winto

tabata konta mamai kuantu robòt nan a traha for di un ‘Solar Robot Kit’ ku

Ashley su tata a kumpra p’e. Nan sa hunga ‘Pac-Man’ tambe i otro weganan

digital. Ku ‘Minecraft’ nan ta traha nan mes siudat, nan ta eksplorá

kuebanan bou di tera i kore pa mònsternan peligroso.

Pero Winto su entusiasmo a kuminsá baha un poko. Nada ku e ke hasi, no ta

bon pa Ashley. Asta subi fli, Ashley ta haña chapo. Pa no papia mes di traha

fli ku papai. Kon ku Winto a papia kuné, na final Ashley a konvensé pa

hunga wega di kòmpiuter atrobe.

Pero awe sí Winto no ta gosa di e weganan. E ta pensa riba papai ku a tuma

un merdia liber pa yud’é traha su fli. E ta fantasiá kon bunita su fli lo keda

ora e ta kla. Ta di spera ku tin bon bientu sobrá dianan di siman.

Pero … kiko esei? For di Ashley su bentana, Winto ta mira un fli grandi

blou ku pretu ranka subi kontra shelu blou. Leu aya e ta tende stèm kontentu

di muchanan di bario i … di papai. “Ai nò, ai nò, ai nò,” Winto a sklama

miéntras el a lanta kla pa kore bai. “T’ami t’esun ku mester a subi e fli.”

Ashley a mir’é manera ta kèns el a bira. “Ai mucha yu, ki bo ta maha ku un

pida papel di koló den laria. Bin sinta yu!” Winto a keda pará den porta. E ta

tende e muchanan ta gosa eifó. E ta tende papai ta hari ku nan. E ta tende

Ashley hala su atenshon. Kiko e hasi?

Mucha djispou Mama: “Kon a bai ku bo eksamen na skol?”

Jeroen: “Mas importante ta pa nos ta salú mama”.