Upload
diego-xesus-lopez-gonzalez
View
231
Download
11
Embed Size (px)
DESCRIPTION
Expediente Histórico
Citation preview
“EXPEDIENTE
HISTÓRICO
DA
PRIMEIRA GUERRA
MUNDIAL”
Autor: Diego Xesús López González.
ÍNDICE
1. LIMIAR.
2. A PRIMEIRA GUERRA MUNDIAL.
2.1. Causas da Guerra.
2.1.1. O Imperialismo das Nacións.
2.1.2. A Paz Armada.
2.1.3. A Cuestión Balcánica.
2.1.4. A Faísca de Saraievo.
2.2. Desenvolvemento do Conflito.
2.2.1. O Xogo das Alianzas.
2.2.2. A Fronte Occidental.
2.2.3. A Guerra de Posicións.
2.2.4. A Muller na Industria da Guerra.
2.2.6. As Novas Armas.
2.2.7. A Guerra Submarina sen Concesións.
2.2.8. Os Estados Unidos de América no Conflito.
2.2.9. A Revolución Bolxevique.
2.3. A Fin da Guerra.
2.3.1. A Destrución de Europa.
2.3.2. As Mortes.
2.3.3. Os Superviventes.
3. O NOVO MAPA DE EUROPA.
3.1. O Tratado de Versalles.
3.2. Un Novo Mapa de Europa.
3.3. Paz nos Balcáns?
4. CONCLUSIÓN.
5. BIBLIOGRAFÍA.
Autor: Diego Xesús López González.
1. LIMIAR.
O presente traballo de Expediente Histórico pretende achegar ao
alumnado, mediante o emprego de testemuños escritos e visuais, á época da
Primeira Guerra Mundial.
O Obxectivo sería o de explicar as causas, desenvolvemento e
consecuencias desta Grande Guerra que aterrou ao mundo de principios do
século XX e que, aínda hoxe, segue a valer de exemplo do terror. Tamén é
importante destacar este feito histórico como precedente de acontecementos
actuais. Doutra banda, tentarase non só a mera comprensión dos feitos
mediante o procesamento das fontes a partir dunha teoría, senón que se tentará
que os alumnos e alumnas saiban rexeitar as actitudes imperialistas e
expansionistas que provocan os enfrontamentos bélicos entre os estados e , en
concreto, que provocaron a Primeira Guerra Mundial.
Poderase fomentar unha actitude crítica e de rexeitamento ante os
nacionalismos extremistas, xenófobos e agresivos e, tamén, ante o militarismo
como solución aos problemas políticos, sociais e económicos.
Levaremos aos alumnado por unha viaxe que os achegue ao tempo
histórico en cuestión e, no transcurso desa viaxe, convidarémolos a que sexan
quen de imaxinar ese pasado dende o punto de vista da época, facendo que eles
mesmos poidan reflexionar sobre a conmoción que este conflito bélico produciu
na mentalidade das xentes que viviron esa Grande Guerra.
Para iso, explicarase a Historia dende a Historia, dende as fontes
testemuñais recollidas e ordenadas para acadar a mellor comprensión e reflexión
posible do tema a tratar.
Sen máis tardanza presentaremos os acontecementos máis importantes
que tiveron lugar antes, durante e despois da Primeira Guerra Mundial.
acompañados, claro está, deses “testemuños vivos” da Historia.
Autor: Diego Xesús López González.
2. A PRIMEIRA GUERRA MUNDIAL.
“A Guerra” de Otto Dix.
Dresde, Alemaña. Gemaldegalerie, Neue Meister.
Autor: Diego Xesús López González.
2.1. Causas da Guerra:
2.1.1. O Imperialismo das Nacións.
“A Torta Chinesa”
Na presente caricatura podemos observar a cobiza imperialista das
potencias capitalistas. Vemos como tratan de se repartiren “a torta chinesa”.
O kaiser alemán, comezando a cortar a torta, enfronta a súa ollada á
raíña inglesa, simbolizando a rivalidade de ambos os dous países.
Namentres, o tsar de Rusia permanece á expectativa xunto coa musa
da República Francesa, poñendo en evidencia a alianza das dúas potencias.
O emperador xaponés reflexiona sobre o anaco que lle pode tocar.
E China está representada por un alarmado mandatario mandarín que
non pode frear a intromisión europea.
Esta rivalidade imperialista terá a súa máxima expresión no primeiro
grande conflito bélico mundial.
Autor: Diego Xesús López González.
2.1.2. A Paz Armada.
“Evolución dos Gastos Militares entre 1905 e 1914”
Nesta gráfica podemos comprobar a carreira de produción de
armamentos dos países que intervirán na Primeira Guerra Mundial, sendo este o
período previo á guerra caracterizado pola produción de armamento, fortalecemento
dos exércitos e afianzamento da exaltación patriótica
Autor: Diego Xesús López González.
2.1.3. A Cuestión Balcánica:
“Bulgaria proclama a súa independencia e o Imperio Austrohúngaro apodérase
de Bosnia-Hercegovina”
Nesta caricatura observamos a tres potencias personalizadas nos seus
dirixentes.
Bulgaria acada a súa independencia e o Imperio Austrohúngaro anexa
Bosnia-Hercegovina namentres que o Imperio Otomano, contempla con
impotencia, reflectindo así a súa decadencia.
Con este feito o Imperio Austrohúngaro aumentaba a súa influencia
nos Balcáns, o que era mal visto polo nacionalismo paneslavista da Grande
Serbia, protexida da Rusia dos tsares.
Os intereses das potencias Imperialistas e dos emerxentes
nacionalismos nos Balcáns cruzaranse, provocando o estalido da guerra.
Autor: Diego Xesús López González.
2.1.4. A Faísca de Saraievo:
“ O Asasinato de Saraievo”
Neste debuxo vemos a Gavrilo Princip, estudante serbio de Bosnia, no
intre no que dispara contra o herdeiros do trono austrohúngaro Francisco
Fernando maila súa esposa Sofía Chotek.
Ao se comprobar a complicidade de Serbia no atentado, o Imperio
Austrohúngaro declararalle a guerra a esta nación balcánica, dando comezo á
Primeira Guerra Mundial.
“Herdeiro ao trono austrohúngaro Francisco Fernando de Habsburgo”
Autor: Diego Xesús López González.
2.2. Desenvolvemento do Conflito:
2.2.1. O Xogo das Alianzas.
“A División de Europa”
A Tripla Alianza dos Imperios Alemán, Austrohúngaro e Italia,
enfrontaranse á Tripla Entente de Gran Bretaña, Francia e o Imperio Ruso. Italia
abandonará a Tripla Alianza en 1915 namentres que Turquía e Bulgaria se
adherirán a ela, dando a este bando o nome dos Imperios Centrais. Moitos países
decantaranse por un bando ou outro, co que o conflito se internacionalizou.
“Caricatura do Conflito”
Autor: Diego Xesús López González.
2.2.2. A Fronte Occidental.
“Fronte Occidental”
Trala invasión de Bélxica e Francia por parte do Imperio Alemán, os
exércitos aliados lograrán detelo na Primeira Batalla do río Marne entre o 6 e o 9
de setembro de 1914, momento no que se dá paso á “guerra de posicións”.
2.2.3. A Fronte Oriental.
“Fronte Oriental”
Neste mapa vemos como Rusia mantivo dende os comezos da guerra
até 1917 a fronte oriental sen axuda, a base de aportar 15 millóns de soldados,
obrigando asía Alemaña a loitar en dúas frontes ao mesmo tempo.
Autor: Diego Xesús López González.
2.2.4 A Guerra de Posicións.
“Trincheiras”
Plano das protagonistas da “Guerra de Posicións”, as trincheiras,
verdadeira máquina mortífera onde a diario morrían milleiros de soldados en
combates inútiles. Na Fronte Occidental, estendéronse dende a fronteira con
Suíza até o mar do Norte, cunha extensión aproximada duns 800 quilómetros.
“Tropas británicas durante o ataque a Ginchy o 25 de setembro de 1916”
Autor: Diego Xesús López González.
2.2.5. A Muller e a Industria da Guerra:
“Evolución do número de traballadoras de munición británicas”
As Industrias de todos os países transformáronse e lanzáronse a traballar
ao máximo rendemento para equiparen aos seus exércitos.
Miles de mulleres comezaron a traballar como torneiras, montadoras de obuses,
empaquetadoras de munición... Estas operarias foron chamadas polos franceses
munitionnettes.
Un diario parisiense chegou a afirmar no 1919, “gañamos a guerra
grazas ás nosas mulleres”.
“Munitionnettes”
Autor: Diego Xesús López González.
1914 1915 1916 1917 19180
1000
2000
3000
4000
5000
6000
7000
8000
9000
Traballadoras Británicas en Fábricas de Municións
2.2.6 As Novas Armas.
“Carro de Combate Británico Mark V”
Na batalla de Cambrai, do 20 de novembro até o 3 de decembro, os
británicos atacaron con 400 tanques ás tropas alemás, sendo a primeira acción
da historia militar na que se empregaron carros de combate a grande escala.
“Soldados aliados protexidos por máscaras contra os gases velenosos”
En 1915, en Ypres, Bélxica, deuse por primeira vez a guerra química a
grande escala mediante o emprego de gas de cloro.
Autor: Diego Xesús López González.
“Avión alemán e francés”
“Lanzachamas”
Autor: Diego Xesús López González.
2.2.7 A Guerra Submarina Sen Concesións.
“Submarino Alemán”
O 1 de febreiro de 1917, o Imperio Alemán inicia a “Guerra Submarina
sen concesións”, coa finalidade de cortar os abastecementos marítimos da Tripla
Entente.
“Lusitania”
O 7 de maio de 1915, o RMS Lusitania foi torpedeado polo submarino
alemán U-20 fronte ás costas irlandesas causando a morte de más de 1.198
pasaxeiros incluídos 234 norteamericanos, causando a entrada na guerra dos
EUA dous anos máis tarde.
Autor: Diego Xesús López González.
2.2.8 Os Estados Unidos de América no Conflito.
“O Tío Sam”
I Want You (precísote). Cartel de propaganda no que a personificación
da nación norteamericana, o Tío Sam, chama a filas aos xoves. O 2 de abril de
1917, os Estados Unidos de América, entran no conflito por mor da interrupción
do comercio marítimo cos aliados, levada a cabo polos submarinos alemáns.
Autor: Diego Xesús López González.
2.2.9. A Revolución Bolxevique.
“Discurso de Lenin á multitude”
Rusia mantivera en solitario a Fronte Oriental aportando 15 millóns de
soldados mal equipados. A morte deses soldados, a fame e as privacións que
sufría a poboación prepararon o terreo para a vitoria da Revolución Bolxevique.
O 3 de marzo de 1918, na cidade de Brest-Litovsk, o novo goberno socialista
asinou o Tratado de Paz cos Estados Centrais.
Autor: Diego Xesús López González.
2.3. A Fin da Guerra.
O 3 de novembro de 1918, Austria e Alemaña piden a paz.
2.3.1. A Destrución de Europa.
“A Batalla do Somme”
Tralo final da guerra Europa ficou totalmente destruída e cun
regueiro de sangue tras de si nunca visto até entón. Nesta foto podemos ver as
consecuencias de moitas batallas. Todas as economías dos estados europeos
sufrirán as consecuencias desta guerra e as reparacións endebedarán á vella
Europa.
Autor: Diego Xesús López González.
2.3.2. As Mortes.
“Táboa Estatística das Baixas da Primeira Guerra Mundial”
País Mobilizados Mortos* FeridosPrisioneiros
edesaparecidos
Total Baixas
Rusia 12.000.000 1.700.000 4.950.000 2.500.000 9.150.000
Francia 8.410.000 1.357.800 4.266.000 537.000 6.160.800
Imperio Británico 8.904.467 908.371 2.090.212 191.652 3.190.235
Italia 5.615.000 650.000 947.000 600.000 2.197.000
Estados Unidos 4.355.000 126.000 234.300 4.500 350.300
Xapón 800.000 300 907 3 1.210
Romanía 750.000 335.706 120.000 80.000 535.706
Serbia 707.343 45.000 133.148 152.958 331.106
Bélxica 267.000 13.716 44.686 34.659 93.061
Grecia 230.000 5.000 21.000 1.000 27.000
Portugal 100.000 7.222 13.751 12.318 33.291
Montenegro 50.000 3.000 10.000 7.000 20000
Total Aliados 42.188.810 5.152.115 12.831.004 4.121.090 22.089.709
Alemaña 11.000.000 1.773.700 4.216.058 1.152.800 7.142.558
Austria-Hungría 7.800.000 1.200.000 3.620.000 2.200.000 7.020.000
Turquía 2.850.000 325.000 400.000 250.000 975.000
Bulgaria 1.200.000 87.500 152.390 27.029 266.919
Total Imperios Centrais
22.850.000 3.386.200 8.388.448 3.629.829 15.404.477
Total xeral 65.038.810 8.538.315 21.219.452 7.750.919 37.494.186
* Inclúe os mortos, por calquera causa, dentro do Exército
Autor: Diego Xesús López González.
2.3.3. Os Superviventes.
“Hans Lange”
Hans Lange naceu en Lübeck, Alemaña o 14 de abril de 1899. Foi ferido na
faciana e quedou cego en 1918, e afirma:
“Os meus pesadelos son un recordo diso. Dende que me ocorreu, non
deixei de soñar. Hoxe teño incluso máis pesadelos. Penso nesa granada que
estoura unha e outra vez...coido que sempre agardei ao home que me feriu. Nada
xustifica o asasinato de un, dous ou millóns de homes. É o maldito lixo que
ocorreu neste século”
Autor: Diego Xesús López González.
3. O NOVO MAPA DE EUROPA.
3.1. O Tratado de Versalles.
“Paz de Versalles”
Nesta foto podemos ver como os militares están a presenciar as
resolucións trala guerra. Desta reunión sairán as imposicións para os perdedores,
en especial Alemaña. Aquí está un dos precedentes sa ascensión do
Nacionalsocialismo alemán, é dicir, o sentimento de humillación que provocará o
afán de desquite do país xermano.
Autor: Diego Xesús López González.
3.2. Un Novo Mapa de Europa.
“Europa e Oriente Medio despois da Guerra de 1914-1918”
Tralo “Tratado de Versalles” configurouse un novo mapa de Europa.
Xorden novos Estados a costa da descomposición dos Imperios como Estonia,
Letonia e Lituania, Iugoslavia, Hungría, Austria, Checoslovaquia ...Neste mapa
está a clave para entendérmonos os vindeiros anos, no que outra guerra asolará
o mundo.
Autor: Diego Xesús López González.
3.3. Paz nos Balcáns?
“Os Balcáns en 2008”
Coa Paz de Versalles, tras a Primeira Guerra Mundial, creouse un novo Estado,
resultado da unión de serbios, bosnios, macedonios, montenegrinos, croatas e
eslovenos, que en 1929 se denominaría Iugoslavia. Tras a Segunda Guerra
Mundial proclamouse a República Federal, e o Estado iugoslavo estivo dirixido
polo Partido Comunista até 1980. Coa caída do Comunismo, as tendencias
nacionalistas desencadearon unha guerra civil en 1991. A raíz destes
enfrontamentos fóronse independizando cada un dos Estados: Croacia, Eslovenia
e Macedonia en 1991, e Bosnia- Herzegovina en 1992, quedando reducida
Iugoslavia ás repúblicas de Serbia e Montenegro. En 2002, os líderes iugoslavos
acordaron a formación do novo Estado Federal de Serbia e Montenegro. En 2006
Montenegro independizouse dese estado federal. En 2008, Kosovo
independizouse de Serbia.
Autor: Diego Xesús López González.
4. CONCLUSIÓN.
O presente Expediente Histórico explica paso a paso a evolución da
Primeira Guerra Mundial e as consecuencias que trouxo no devir histórico.
Todas as fotos, mapas, táboas estatísticas,...aportadas neste traballo
están a abordar os puntos máis interesantes ou máis importante4s do devandito
tema.
Deste xeito, as alumnas e alumnos terán ao seu alcance a posibilidade
de levar a cabo unha aprendizaxe máis comprensiva da historia, sempre e
cando, e previamente, se faga unha exposición teórica da materia.
Unha vez desenvolvida a teoría, o expediente facilitará o estudo dun
xeito máis realista e poida que motivador, xa que a explicación non ficará
nunha mera lectura formal dos datos, senón que eses datos e feitos van ser
complementados e analizados directamente nas clases.
Agardo que, algún día, a posta en práctica chegue a ser tan
enriquecedora e motivadora como a min me resultou a elaboración deste traballo
que, grazas ás novas tecnoloxías, foi máis interesante.
Autor: Diego Xesús López González.
5. BIBLIOGRAFÍA.
- VV.AA., Enciclopedia Encarta 97, Microsoft, 1997.
- VV.AA., Xeografía e Historia, 4ºESO, Ed. Santillana, Vigo, 1995.
- Ernst Jünger, Tempestades de acero, Ed. Tusquets, Barcelona, 1993.
- Erich María Remarque, Sin Novedad en el Frente, Ed. Pòcket-Edhasa,
Barcelona, 1994.
- VV.AA., Historia Universal, vol.10, Ed. Planeta/Sudameriucana, Madrid,
1982.
- Francisco de Asís Veas Arteseros e Aurelio Cebrián Avellán, Geografía e
Historia, vol.3, Ed. MAD, Sevilla,2000.
- http://gl.wikipedia.org/wiki/Portada
- http://www.kalipedia.com/
- http://images.google.es/imghp?hl=gl&tab=wi
Autor: Diego Xesús López González.