Embed Size (px)
Citation preview
Myero Irot Mic Pa Lubanga Pi In:
Mar Ma Bino Pire Kene!
Twero pa Lubanga ducu liweng wa ki mar mere, tye boti-tin! Ento in pud pe ya i tye i kin lwak meno. Lubanga mari calo in aye ma i tye piri keni i lobo. Ento keken ni meno, calo pol pa dano, i kare mukene pe i twero niang ni Lubanga mari...nyo ka ingeyo ki I wii, i kare mukene pe ingeyp waki i adunu ni.
Man dong kombedi itwero niang; lok pa Lubanga i buk eni ma ewayo ewiny dano ni, obinyuttu boti:
• Kit ma myero iniang kwede mar pa Lubanga ma tye iewinyi.
• Kit ma myero ijuk kwede akalakala ma weko itamo ka ce kitti ber nyo pe.
• Kit ma iromo niang kwede ki ur madit iyo ma Lubanga yabo ki ewinye pi maro dano.
• Kit ma myero inong kwede Lubanga i kare ma nongo itye ki arem me ewiny.
• Kit ma pa Lubanga twero lokko kwede kiti matwal.
Kit ma Joyce Meyer olimo kwede kwo me lobo ki Niyabo me ewiny, en dong okelo kamaleng pwony ma i Baibul ki lok mukene me ryeko ni wek wunywak kwede kacel; pien pwony ma mere ki bene ngec i kom lok pa Lubanga, twero yabo mar pa Lubanga, ma dong weko tar pa Lubanga twero menyo in.
#1 NEW YORK TIMES BESTSELLING AUTHOR
TIT BOTGINI AMAROGI
Jolo Cwiny Ma OyabePi Mar Pa Lubanga
JOYCEMEYER
TIT BOTGI NI AMAROGI
Jolo Cwiny Ma Oyabe Pi Mar Pa Lubanga
English Version: Tell Them I Love Them
Me nongo lacoc ma co waraga i:
Joyce Meyer MinistriesP.O.Box 655Fenton, Missouri 63026Nyo go cim: (636) 349-0303Internet Address: www.joycemeyer.org
Timber ico caden nyo kony ma inongo ma a ki i buk man-ka icoyo. Jami ma imito ni gileg pire bene iromo coyo ne.
Ka imito nongo lacoc i Canada co:
Joyce Meyer Ministries Canada, Inc.Lambeth Box 1300London, I N6P IT5Nyo go cim i (636) 349-0303
Ka i tye i South Africa, co i:
Joyce Meyer Ministries South AfricaPO Box 5Cape Town, 8000South AfricaNyo go cim +(27) 21 701 1056
Ka itye i England, co i:
Joyce Meyer MinistriesP.O.Box 1549WindsorSL4 1GTOr Call: (0) 1753-831102
Latel 5 1. Lubanga Maro in! 7
2. An mono kita ber kit ma gimito kwede? 11
3. Mar obedo ribo wat 17
4. Mar, tic ki cwiny me ada ki niyee 21
5. Bedo agonya labongo lworo 25
6. Mar gudu kom dano madwong 29
7. Mar pa Lubanga obiloko kwo ni 33
LUCIM
5
LATEL
Atye ki niyee ni gin ma dano mito ma kato weng en aye nyut pa Rwot Lacwec i kom gi; man en aye guti ma Lakristayo tamo pi loyo gigu ducu. Wan pe wamito ngec me wic i kom mar pa Rwot Lacwec ento wamito niyabo. Man ducu nonge ki i cwiny maleng ka ngat acel-acel bedo ki lwod i kom mar pa Rwot Lacwec i kwo ne ka bene yenyo niyabo ma wanongo ki i lok pa Lubanga nyo Baibul kacel ki lega.
Twero bedo yot me waco ni Lubanga maro wilobo, ma oweko ocwalo wode me to pi wilobo; ento twero bedo tek tutwal ka obed onongo ni in itye in keni, maa gicwalo Yecu ni wek oto pi in keken ni.
Inge bedo pi kare malac calo Lakristayo ma piny odiye, acako dong niang pi mar pa Lubanga ikoma, ma onyutte bota, ki cwiny maleng, oweko cwinya oyabbe matwal ci kwo na olokke ki niyee i kome bene.
Agenoni ka ikwano buk man matut, ci ibiniang tyen mar pa Lubanga, wek i cak yenyo lok pa Lubanga ma itwero yeng kwede maber. Kwan dong buk man mot, wek okel lwod i cwinyi pi kwano Baibul. Amiyo boti buk man ki mwolo dok bene an pe abedo gin mo labongo en, dok bene niango lok pa Lubanga ma atye kwede ni, oaa ki bote.
7
1
LUBANGA MARO IN!“Lubanga omaro wilobo, oweko omiyo wode acel keken ni, ni ngat ma bibedo ki niyee i kome, pe bilal ata, ento binongo kwo me labednaka.”
Jon 3:16
Lubanga bene mito bedo ki ot, ci dong oweko wabedo lutino ne; en pe mito ni wabed ka kwo calo lutino matino, ento en mito ni myero wawor en. En mito ni wagen en, wajenge, ka wamar en, wek en bene omar wan. En mito ni wabed ki cwiny matir i kome, dok bene wabed ki wat matir ikome.
Jo mukene gicwalo Jon 3:16 i yoo mabor adada. Eyo, ka i lok ada, Yecu oto pi wilobo. Ento pe oto pi dano lumuku. Ento oto pi ngat acel acel. Oto pi in!
Ka onongo ibed ngat acel keken i wilobo en, kono bene pud onongo can ka oto pi in; pien Lubanga maro in ki mar me labednaka.
Inino mo acel, onongo atye ka dwoyo mutoka, ci Lubanga olok kweda, kun owaco ni: “Joyce in i bedo tong wanga” An onongo pe angeyo ni pwony ma kit meno twero nonge i Baibul. Ci Catan obino ki tung ku ngeya ka owacca ni: “Ento meno pe obedo wakke ma tere peke?”
Tit Botgi Ni Amarogi
8
Ci atamo pira kena. “Oh! An pe myero abed ka tam kit meno.” Wan onongo myero pe wabed ka tamo ne ni, wan doki watye mapat ki dano mukene, nyo ni gimiyo botwa mic. Ento lacwec ocweyo wa ma kenikeni ni myero wabed pat pat.
I kare ma abedo ka tamo lok man, lacwec ogoyo tam mo iwanga ni dako mo ocito i cuk mo madit ci oneno nyig yat mo ma gilwongo ni “Apples” madwong. Ci oneno gi, ka oyero maber ne, ma okato mukene ni woko ducu. Rwot Lacwec tye ka titta ni an atye maber ma kato jo mukene ni ducu. Ento man pe lok ma tye atir pien en pe waco ni in kitti atir, nyo ni jo mukene gukitgi raccu. Wan ducu kitwa rom, ma nonge wa ki i lok pa Lubanga, dok bene lok eni tye pi wan ducu. In bene i tye ma calo tong-wang Rwot Lacwec.
An pe ajolo tam pa Rwot Lacwec kong pien an onongo pe angeyo ni gitwero waco lok mabeco i koma. Inge nino aryo ayabo Baibul, Jabuli 17:8 ci anongo gicoyo iye ni: “Gwok an calo tong wang; gwok an i te bwomi.”
Ci dong awaco ni, “Meno ada obedo Rwot Lacwec. An abedo tong wange.” Pi kare malac abedo ka tamo tyen lok man. Dano gitye ki cwiny ni myero gimar gin. Pol dano gitye ki niyee ni Rwot Lacwec maro wilobo, ki bene maro Yecu, ento ginongo tek tutwal me yee ni Lubanga maro gi.
Ci kun lok ma gicoyo i Baibul tito kit man ni: Jon 5:20 “Pien Lubanga maro wode, en onyutu bote jami ducu ma en timo, dok bene obinyutu jami mabeco madongo ma kato magi, wek inengi me awura.” Rwot Lacwec waco ni “amito ni atim jami mabeco bot dano kun wok ki bot Yecu. In ingeyo ni ber me wuru jami nyo me lworo gin Lubanga tye ka timo ne?
9
Wan pol kare wakwano ki, Baibul, ento pe waneno gin ma Lubanga mito timogi pi wan. En mito ni wanen tic mogo ma dongo ma en otimo kun wok ki bot Yecu ci myero ki ur ka iwac ni: “Ada, Lubanga, meno gin awura matek ma itimo kun wok ki bot Yecu.” Ka dong en mito ni ikwan Jon 14:12 ka ma Yecu owaco iye ni: Ngat ma bibedoki niyee i kom gigu ducu mabeco ma abitimogi, en bene bitimo gi; nyo kadi wa jami ducu mabeco ma kato magi pien apenyo twero ki bot wora.
Lubanga bene weko ibitimo jami mabeco pien Yecu ocito bot wone. In itye ki niyee eno ni? Itye ki niyee ni Lubanga mari, dok bene bitic kwedi?
I kare ma onongo atye ka kwan, Lubanga owaco bota ni: “Joyce, an atye ka timo jami madwong ma wii dano pe oo iye matwal.” Labolle tye kit man: Ka aloko bot ceng kun awacce ni: “Ceng tuc ka maleng,” meno nongo awaco pi Joyce, pi Betty, pi Jon, pi Yakobo, pi Dano ducu.
Myero kong icung itam ka kenyo: Ceng poo pi in; kot bene bino i kare ne pi in; piny lokke pi in; ento wan pe waneno meno; ni Lubanga maro wa adada.
Ka waneno Nwoyo Cik 7:9 waco ni: “Ngee ni Rwot Lubanga ni, obedo latwer ducu Lubanga me yee, ma gwoko cikke ne dok bene Lakica bot jo ma gimaro en: En gwoko or ma mere bot likwayo alip ki alip.”
In itamo ni kare pa dano ma dwong ma kato kare ki kare eni bor ma weko mar pa Lubanga duny woko? Ineno ba. En Lubanga ma labednaka ma ngatti mo pe twero ol wiye ka watye ka timo bal madwong; ento en pe romo ol kwedi ne, pien Lubanga pud mari kadi bed ni ngo. Mar pe obedo gin ma en timo, ento Lubanga kikome aye mar.
Lubanga Maro In!
Tit Botgi Ni Amarogi
10
Kadi bed labal ma yam kite obedo rac atika, ma bene ongulu laa wa i wang Yecu kun owacce ni: “An pe amito gin mo ki tung boti; Atye atera me donyo i kapiny” - Lubanga pud marre. Ci dong pe twero maro dano ma gitye bote ning ning?
I kare mukene itwero waco ni: “An dong atyeko jolo Yecu i kwo na; dok bene amarre.”
Ento apenyi kong: “Itye ki niyee ni Lubanga mono mari ma rom mene?” Lok dong tye macek ni: Lubanga mari; man aye guti ma Lubanga keto i cwinyi, wek i niang jami mukene bene.
Kadi bed ni ipwony nyo i yeny gigu ma Rwot Lacwec mito, ento ka pe iyee ni Lubanga mari, ci pud pe ya iromo cito mabor; pien mar ma mere ikomi obedo guti me yee, wek ibed agonya ki i bal, wek i bed i dini ni labongo lworo. Ibiromo jolo mar pa Lubanga pi in?
Lubanga maro in!
11
AN MONO KITA BER KIT MA GIMITO KWEDE?
2
“Kit gen man myero pe ocwer cwinywa nyo oket lewic i wiwa; pien Lubanga omiyo i adunu wa ki twero pa cwiny maleng ma gimiyo botwa.
I kare ma onongo pud watye ma goro ki niyee, Kricito oto pi jo ma pe giyee Lubanga. Man dong kombedi ngat mo pe twero miyo kwo ne pi laro kwo pa lawote, kadi bed ni gicel-gicel twero time ki bot jo ma gitye ka cung piri adada.
Ento Lubanga nyuttu dok bene oweko i kare ma onongo wabedo lubal, en ocwalo Kricito ka laro wa ki i bal wek oto pi wan.
Kit ma dong kombedi remo pa Kricito olwoko balwa, en doki pud bimeddeki larowa ma rom mene ki i kom adaga daga ma wanyutu i kom Lubanga.
Ka ikare ma onongo pud wabedo lumone ni, Rwot Lacwec pud oweko wamato oput ki remo pa wode, kit ma dong kombedo, waribo wat eni, myero dong walarre ki cer ma mere.”
Jo Roma 5:5-10
Tit Botgi Ni Amarogi
12
Pol dano gitamoni Lubanga maro wa tek ka pe wabalo. Jo mukene pe gimarre ken gi, ci gitamo ni Lubanga pe maro gi nyo iye pe yom i komgi.
Jabuli 8:4 waco ni, dano obedo anga, ma myero dok i par pire tutwalli. I Jon 4:16 Gamo ni, wan wabedo gin acweya pa Lubanga. En marowa: En obedo mar.
En maro in pien wan ducu wa pat: An pe abedo calo in: in bene pe ibedo calo an. Man dong miyo kare bot catan ni in pud pe ya kiti ber tutwal. Ento ki tung bot Lacwec, pe tyen lokke ni Kitti myero pe obed ber tutwal.
Yecu oto pi in ni ibedo oteka nyo gin awura? Nyo oto pi in pien en mari? Baibul Jo Roma 5:8, 9 waco ni Ka en oto pi in, pien onongo mari; man kit ma dong remo ne oony pi in ni, en dong mari ma Rom mene? En mari pi umu balli me nino ducu wek ibed ki kero wa ki loyo tic pa catan. Labol twero time i kom latinni: In itye ka dunyu odi, ki pii, cabun ki bongo. Latinni bene cako poro ticci ento iyoo ma pe oporre. Itamo ni myero ipwode marac; ci en bino ka wacci ni: “Mama, an bene adunyu ot. Ber matek. Amar mama!”
Mego ma maro latinne dong jingo cwinye kun wacce ni “Itimo ber.” Ento ka latin oaa, ci cako Yubu ka ma en obalo ni; ka lacen waco bote ni: “Pe dok i nwoo, dunyu ot kit ma itimo eni iwinyo?” Kit meno bene, Rwot Lacwec mito ni itim gin ma itwero timo ne. Ento myero ipenye i gin mogo ma pe itwero timogi. Itwero waco ne ni: Kakare Rwot Lacwec, atemo kwe. Ci en dong twero konyi, pien en ngeyo ni Labongo en, pe i twero timo gin mo, piri keni.
Jon 3:34-35 Tito ni: “Pien en ma Lubanga ocwale ni tito lok pa Lubanga, en pe omiyo bote twero me cwiny maleng manok nok, ento en omiyo mic pa cwiny maleng muromo. Lubanga maro wode dok
13
bene omiyo jami ducu i cinge.”
I nino mo abedo ka lwodo tam meno, ci anongo ni Lubanga pi pimo mic ma aaki i cwinye apima; ento en waco ni “Gam jami ducu ma atye kwede” twero wa ki mar, en mito ni igam gi ducu. En pe mito ni kong kiti obed maber, nyo ibed lalengo, ento en miyo boti, pien mari.
Nwoyo Cik 7:6, 7 waco ni: “Pien wun aye wudoko jo maleng pi Rwot Lubangawu. Rwot Lubangawu otyeko yero wu ki i kin rok ducu ma tye i wi lobo wek wubed jone kikome. Gin mumiyo mar pa Rwot Lubangawu omoko i komwu ci oyerowu, pe ni wun aye welwu dwong makato rok mukene, pien onongo wun yam wunok i kin rok ducu.” Lubanga ocimo Jo Icarael calo jo ma en oyerogi. Wan i Kanica bene wabedo calo Jo Icarael kikome. Lubanga owaco ni “An pe ayero wu ni wun aye kaka madwong ma loyo i wilobo”; Ento wan bene watwero waco ne ni: “An pe ayero in ni ityeka timo jami ducu kakare, nyo ni itye gin awura.”
Lacwec omede ki waco ne ni gin onongo gubedo nok adada, ento ka onongo ibed calo an kono onongo iwaco ni onongo kitti obedo rac ma loyo pa dano mukene ducu ikare ma onongo pud pee ya i larre.
Nwoyo Cik 8 waco ni: Ento pien Rwot Lacwec mari dok bene okwonge piri, en okeli ki twero ma i cinge, ka olari ki i ot bal, ki i cing Parao me Miciri. Rwot Lacwec owalo ni: Aketo mar pi in, pien ileng, i tye pat, pe ayero in ni iber nyo itye gin awura, ento amaro in. Rwot Lacwec mito ni iyee dok ijol mar ma mere. Bal wa madit en aye ni, wan pe wamarre ken wa. Wan pe wayee ni Lubanga maro wa, nyo danu mukene gimaro wa.
I tamo ni: “Gitwero mara ning-ning…an ki kittani?” Ada ka itamo ni kiti rac, ci ibigak kit meno. An yam onongo bene pe amarre kena.
An Mono Kita Ber Kit Ma Gimito Kwede?
Tit Botgi Ni Amarogi
14
Abedo ka balo kare pacen 75 me kare na, ka Yubu kita onongo kong atamo ni aloko tutwal; ci acako ling alinga.
Ka abedo ka tamo kekena: In onongo iwaco ni an doga dwong do! Weka gira kena. An mere atye ka temme ka ling alinga.
Pe aromo titti pi kare ma rom mene ma arii nyo abedo laling. Jo mukene ma giloko tutwalli, gunyomo jo mogo ma giling alinga. Man bene pud nongo gitwero lwongo ne ni dano ma gilamme woko. Rwot Lacwec mito ni ibed agonya ki i lam nyo ngolo lok ma dano gutyeko keto ne i komi. Ento bedo ki niyee ni tek cwiny aye weko ibedo agonya.
Pol kare twero bedo tek, me bedo ki niyee ni Rwot Lacwec marowa, ka watimo bal; pien kadi ka lewic omak in ma rom mene, pe romo culu ka wang balli. Catan dong twero bino ki lokke ni: “Kombedi dong ityeko balo. In itamo ni ibedo anga? Lubanga pe obimiyo tanga ne i komi; in ngat ma oteggu ata, ma labal. Pe dong iromo timo gin mo maber.”
Man aye dong ma weko i twero waco ne ki nwang cwiny bot Rwot Lacwec ni: “Aba! Atimo bal akwayi dong ki remo pa Yecu pi tima kica. Catan aa i citi. Yecu oto pi balla, meno pe obedo ticci mo.” Ci dong myero imedde ka bedo ki yomcwiny.
Ento i kare mukene itamo ni: “Atye ka mede ki timo gin ming kare ki kare.” An bene kong abedo ka tamone kit meno nioo wa ikare ma dong pe giromo yeta. Ka inen ni pe dong gimoro yeti nyo cayo in, nongo dong rom ma pe ibiromo medde ki timo bal meno. Lewic pi bal wa ki yet dwoko rwom wa piny ma weko pe iromo bedo agonya. Ngat ma cwinye nwang pe paro yet. In myero ibed ma cwinyi nwang i bed ki niyee, ka iryem lewic woko ki i komi.
15
Catan biwaci ni: Itye ka waco ne ni pe iromo winyo marac? Myero kong iwiny marac bene, pien itimo jami mogo maracu. In dong i twero waco ne ni: “An pe atwero paro pire dong.” Ci lacen, inge kare manok keken, birweny woko.
Icaya 53:5, 6, 11: Yecu okwany balwa ducu, dok bene wa ki yet ki lewic pi balwa ducu. Ento catan pe mito ni ibed agonya ki i yet ma myero giyeti jwi ni in labal. Man yomo cwinye adada, pien ka gibedo ka yeti, nongo pe itye bot lacwec; poko in woko, weko ineno bal ki lewic inyimi.
Myero ibed agonya ki i kom yet dok bene ibed ki niyee ni ka Rwot Lacwec waco ni kica ne dit ma romo pi umu bal ducu, nongo en waco lok ada. En maro in, pien kica ne, ki timo kica obedo mic me nono, jol en tin.
Lubanga mari!
An Mono Kita Ber Kit Ma Gimito Kwede?
17
3
MAR OBEDO RIBO WAT
Man omiyo wangeyo mar ma Lubanga tye kwede i komwa, dok wayee ni marowa. Lubanga aye mar, ngat ma bedo i mar, bedo i Lubanga, Lubanga bene bedo iye.
1 Jon 4:16
Itwero niang ning-ning ni Lubanga mari. Ka pe ingeyo ci pe ber tutwal pien cwinyi twero bedo yom, ka ce ingeyo ni ngat moni tye ka nyutu mar i komi. Cwinyi twero bedo yom,ma onongo itwero mako lobo ki ibe, ka yam ibe bed tye. Lubanga mari dok mito ni inyut mar bote bene, nino ducu. Ento ka ilok ada, imaro Lubanga ni? Ka i larre, pe tyen lokke ni dong lokki otum, itye kacel ki Lubanga dong.
Ka ayabo wanga mukwongo ki odiko, atamo i kom Lubanga; ka kono acito ka butu i dyewor, tam me agikki ma abitimo en aye lega bote. Ka ikare ma wanga twolo, atamo i kome keken pi tic pi en ki bene yomo cwinye, ma loyo gigu ducu ma myero i tam pire. Tye ka bur mo ma odong twolo i iwa ma Lubanga kene aye myero ocul kakare. Itwero waco ne keni ni: “Angeyo ni dong atyeko jolo Yecu.” Ento itye ka jolo dakika ki dakika i kit ma kwo ni tye kwede? I tye ka jolo mar pa Lubanga?
Lubanga maro in, dok in bene piri tek i yoo mapat bote. En mito ni
Tit Botgi Ni Amarogi
18
ibed kwede kacel; dok bene kulle ki i wii kom ker ka waco boti ni: “I coo ning ning, Amari.” Larema mo oneno lek mo, i kare ma Lubanga ocito i gangi pa jo Amerika. I kare ma guaa malo ki odiko, gunongo Lubanga obedo piny I nget meja. Dano gubedo ka gwenynye ki wotgi kun giwaco kwede ni: “Bed mere kenyo Rwot wa, wabibino boti lacen.”
I kare ma ceng poto, anyaka ma oneno kit ma Lubanga obedo kwede, cwinye obale woko adada pien ngat mo ma obino ka lok bot Lubanga obedo peke.
Pe ibed ka tic labongo nongo kare me lega ki bene nongo kare ma obedo kwede ki bene pi waco bote ni imaro en. Ka pe itye ka ribo wat ki Lubanga, bed ingee ni idong cen pudi. Man pe tyen lokke ni pe iromo cito i polo, ento kare okato ma pol ata, pien kwo mabeco okato in woko, pi akalakala mogo ma odiyo in.
Kongo item lokke bot Rwot Lacwec pi mwaka acel. Kong pe itutte me bedo ki niyee ikom Lubanga. Kong ibed calo Latin lakere, ma imulu ka icito wek woru obed ka tingo in i kore. Pe kong i mar en nioo wang ma en omari.
Ka waneno i Jon 4:16 kit ma wacoyo malo ni, ci itwero penynye ni: I kare ma iaa malo ki odiko, itamo kit ma Lubanga mari kwedi? Pien ka icoo, komi nongo onyonge ma mitte ni onongo myero pe itim gin mo; ento itwero tic ki dogi wa ki cwiny maleng, wek otim jami me awura pi in.
Ka icoo ki odiko myero icak ki waco ni: “Ai Rwot apwoyi ni an atye ki cwiny maleng apwoyi bene ni ker me cer tye i cwinya. Rwot apwoyi ni ka ma abicito iye, abibedo ma calo gum. Lubanga imara, imara, ki i oda eni. Imara pien abedo latinni. Abedo calo tong wangi. Imara!”
19
Myero ibed ka lok kene wek ingee ni itye i mar pa Rwot Lacwec. Baibul Icaya 49:16: Waco ni: “Nen, in cion dong atyeko goro nyingi ki coc woko opany cinga; calli tye i nyima i kare ducu.” En neno berri nino ducu; en neno lutinone, ma lanyut me mar pi kare ducu ni itye kacel kwede.
Poo pi pako Lubanga, ma ikare mukene myero ipot oryeba ic kun nongo wangi tye i ngom pi lego ki pwoyo Lubanga ma olaro in, ka ma en owaco ni: “...Lubanga en aye mar, ngat ma kwo kacel kwede i mar, en bene bibedo ki Lubanga. Iyoo ma kit man, mar dong bino i cwinywa ma ocwiny weko wabedo ki tek cwiny wa i kare me ngolo kop.”
Ka ingeyo ni Lubanga maro in ci miyo boti tekcwiny i kome wa ki cwiny ma atir ikom niyee. Gum ducu twero bino ka iweko Lubanga maro in; ka en maro in, ci niyee madit ma kato, loyo iwii catan, cango kom ki cwiny, ki yomcwiny, ducu weng bino pi in me yee ni wek Rwot Lacwec omar in.
Pol kare wawaco ni: Atamo ni kong myero amar Rwot Lacwec; ento ki tungcel, in aye ma kong i wek Rwot Lacwec aye omar in. Myero inen ni myero i bed ka lok ki Rwot Lacwec; ento pe iwac ni pe i ngeyo ka lok ki en pien pe ingeyo kit ma en mari kwede.
In kono itwero nyutu tammi ning-ning i kom dano ma pe ingeyo I lworo ni itwero doke laming ni gimari? dok bene atwero timo gin mo keken bot cwara, pien angeyo ni mara. Man bene rom aroma kit ma myero i kwo kwede ki Lubanga. Kati woko ka maleng, ka icaki. Mii kare bot Lubanga, ci en obipwonyi kit me kwo kwede kacel. Penye kong keni kombedi kit man: An mono atye agonya ma cwinya opye ki Lubanga?
Lubanga mari!
Mar Obedo Ribo Wat
21
Pien i Yecu Kricito lirre nyo bedo ma pe giliro konygi pe; niyee keken aye konyo ma ticce aye mar.
Jo Galatia 5:6
Pol wan dano, wacwalo kare madwong pi nongo niyee pien wangeyo ni labongo bedo ki niyee, pe watwero yomo cwiny Lubanga (Jo Ibru 11:6), ento wayelle ka medo niyee i cwinywa. Ento niyee aa ki i adunu, dok bene nonge ki i yoo me mer ki Lubanga.
An pe atwero pwonyo in ki niyee; ento atwero nyutti yoo ma weko i biyenyo niyee, wang ma i yeng kwede. Niyee bino kace Lubanga oyabo cwinyi.
Wek nyo bwot temo ki tekki me yenyo niyee ki yomo cwiny Lacwec, ka wek i cak Yubu cawa ni wa ki tekki i kom Lubanga. Gin ma myero itim en aye ni myero imar en nino ducu, wek en bene omar in.
“Pien kwowa ocung i kom niyee, pe ineno piny ma waneno.”
2Kor 5:7
4
MAR, TIC KI CWINY ME ADA, KI NIYEE
Tit Botgi Ni Amarogi
22
I nino moni onongo tye ka kwano pwony ma i Baibul, ci Lubanga okwilo lok mo i cwinya. Omyero awot ki niyee i kwona ducu. Ma lube ki Baibul 2 Kor. 5:7 kwo wa, kadi wa kit ma wabedo kwede lubu kit ma niyee wa tye kwede nyo kit ma wanyutu kwede woro i kom Lacwec. Ngat ma pe woto i yoo matir, nongo pe woto ki niyee. Ngat ma tamo ni konye dong peke i ngom kany nyo ma tamo ni Lacwec pe maro en, bene pe woto ki niyee.
Jo mukene mere gitye ki niyee, ento pe giketo iye cwinygi tutwal. Galatia 5:6 Waco ni “niyee woto ki mar.” Lubanga oketo tam man i cwinya ni jo mukene, gitamo ni ka pe gimaro jo mukene, nongo pe gitye ki niyee. Pe kumeno. Lubanga owaco ni: Ka gin pe gingeyo ni amarogi, ci niyee gi nongo pe tiyo; Pien niyee pe tiyo Labongo mar. Pe tye twero ni me maro dano mukene, ento myero itutte wek Lubanga kong omar in aye mukwongo. Bedo ki cwiny matir ki niyee nyutu ni myero i jenge i kom Lubanga pi jami ducu.
Pe i twero timo ne bot ngat mo, ka ingeyo ni en pe maro in. In bene pe iromo bedo ki cwiny matir i kom Rwot Lacwec, ka pe ingeyo ni en maro in.
Ka onongo ingeyo kit ma Lubanga mari kwede onongo itwero cang; dok bene koko ni mogo, calo mito lim, onongo twero nonge pi oyot. Gin ma weko pe itwero nongo gin ma imito en aye ni pe itye ki niyee muromo: Itwero tamo ni myero ibed ki niyee, ento i tamo ni atwero bedo ki niyee meno ning-ning? In itye ki mar pa Lubanga i cwinyi, ci dong myero inen ni iketo cwinyi ka ce onyutte.
Baibul waco ni “Wamaro en, pien en aye ma okwongo maro wa.” (1 Jon 4:19), Labongo enu, onongo pe itwero maro Lubanga ka onongo pe ingee ni en aye ma okwongo maro in.
Pe tye ngat mo i wilobo eni ma biromo maro in, kit ma Lubanga mari
23
kwede ni. Lubanga mari! Itye gin awura! I leng! Piri tek! In oteka!
In pe imito ngat mukene mapat ki Rwot Lacwec, ento en obimiyo jo mukene i kwo ni. Lacwec bibedo laremi ka i pe ki lurem. En bibedo laremi, mama ni, baba ni, ka ipe kwede.
Lubanga maro in adada, man aye kit ma itwero bedo ki niyee i kome pi gin mo keken. En maro in ni wek i nong jami ma i mito, ento ka pe ineno mar pa Lubanga i komi, ci pe iromo nongo gin ma imito.
Niyee tiyo maber ka ce iweko Rwot Lacwec maro in. Myero ibed ka lok i dyeceng pi pako nying Rwot Lacwec, kun nongo iwaco ni: “Ai Lubanga, angeyo ni imara Alleluia! Baba, apako in.Nyutta nyingi wek odok madit.” Laco mo ma gilwongo ni Smith Wigglesworth obedo lalub kor Lubanga ma oywek. Dano mo openye ka ce en lego pi kare malac: En ogamo ni: “An pe arii ka lega ma cwalo dakika 30; Ento ka atyeko lega, pe kong doki abedo ata. Cut inge dakika 30 mukene acako lega mukene doki.”
Owaco ni ka ebedo pi kare ma lac ma pe elego bot Rwot Lacwec, ci myero ekun bal. Jami myero pe itim kit ma imito, kwede. Lubanga obimini gum pien en maro in. En bimiyo boti kit ma yam olari kwede ni.
Kong iwek Lubanga omar in mukwongo weko ka ineno dano ni, ci ibicako maro en bene. Baibul waco ni, ka iromo maro wadi ni labongo ywayo gin ki lokki me dwoko gin tung boti, ci iromo kelo gi cok ki Yecu.
Cwiny maleng pa Lubanga bigudu cwinygi ki mar. Ento pe itwero maro jo mukene, nikwanyo wang ma kong en omaro in mukwongo.
Epeco 2:8 waco ni: Ki twero pa Rwot Lacwec, oweko ityeko larre. In
Mar, Tic Ki Cwiny Me Ada, Ki Niyee
Tit Botgi Ni Amarogi
24
tika i niang ni, pe itimo gin mo keken pi laro in? I kare ma Yecu bino, wan onongo bal wa tye marac ma gukwok woko, tic eni pe oaa ki boti. Pi mar ma mere, en ocwalo wode kun owaco ni, ngat ma bicwako tamme pe bito, dok bene bikwo pi labednaka. (Jon 3:16).
Miti pa Rwot Lacwec me tic ki twero ne pi cobo gin ma wan dano wamito, en aye gum ma en twero miyo ne pi wan.
Rwot Lacwec omiini niyee muromo ni wek ilare, kit ma omiyo boti niyee muromo ni. En bene omiyo niyee ni wek i ngee ni en aye ma cango nyo ma poko.
Ka ce en omiyo boti niyee me weko balli ducu, meno rom ki ma tye i cwinyi kunu, wek okony in i kwo ni. Ka i ngeyo ni Lubanga mari, meno dong nongo itye ki cwiny me ada i kome. Ibinongo ni en pe loko lok goba, dok bene twero pwodi i kom lok ada.
Niyee kit ma (Kol 1:4) Tito kwede, waco ni; “(Niyee) obedo en me pwonyo kit kwo ni ducu i kome, kun nongo i tye ki cwiny me ada ma nongo cwinyi opye mot i kero ne, ryeko ne ki berre.” Ka dong iyee ni Lubanga omar in, myero bene ipwonye me bedo ki cwiny matir ki mar, ci dong ibibedo ki niyee muromo.
Lubanga mari!
25
5
BEDO AGONYA LABONGO LWORO
I Jon 4:18 tito ni “Lworo myero pe obedi mar ento mar mupong loro dogola me lworo woko, ma weko cwinywa pe twero poto. Pien lworo bino kacel ki pwod; ngat ma lwor nongo pud pe ya iteguu i mar.”
Wan pol kare wabedo ki niyee kun nongo wageno dok bene watye ki cwiny i kom Lubanga, ento cut gin mo cako lweny ikomwa. Ci jami maracu cako time ma weko watamo ni Lubanga pe maro wa.
Ci catan cako bino ki mere; lworo ki yet ma twero poko in ki Lubanga. En penyi ni: “Meno kono doki ngo?” Onongo atamo ni ca Lubanga mari; ento pingo gigu maracu time i komi. Nen calo itimo jami mogo ma okelo lworo; gin ma oweko wii Lacwec mito balle woko ni.
Ci dong i cako rwenyo gen woko nyo bedo ki cwiny me akalakala ikome. Ka niyee peke, nongo dong lworo ma oa ki bot catan, kacel ki bedo ki cwiny ma pe atir cako bino - pe ingeyo kit ma Rwot Lacwec mari kwede.
Jon 4:18 waco ni mar kikome mupong, ryemo lworo woko. Abedo ki lwodo lok mapol ci Lubanga okwilo i cwinya ni, anongo ni mar ma opong ryemo lworo woko ducu, pien Lubanga obedo mar, ma weko pe ibilworo gin mo keken i wilobo. Ka Rwot Lacwec oyabo cwinyi,
Tit Botgi Ni Amarogi
26
ci lworo mo matwal pe twero bedo i kwo ni. Pe itwero lworo poto ka ijenge i kom Lubanga. Ento itwero poto, ka ce ijenge i tami keken; pien ka ingeyo Rwot Lacwec mari, ci pe itwero bedo ki lworo mo keken; pe bene itwero lworo ka gikwero in.
Mar pa Lubanga umu jami ducu. In itamo ni en ma olaro in dok en aye ma oweko itye agonya ni; pud doki pwodi? Man obedo tic pa catan. Lubanga twero miini pwod ci nyutto boti yoo me ngut; ento yo pe me laro in. Ka waneno Baibul Jon 4:18, Jo mukene gitamo ni ka ce itwero bedo ki nimaro, ci pe ibibedo ki lworo ikoma; nyo ka imaro ngatti mo tutwal, nongo lworo twero bedo peke. Pe kumeno.
Tyen lokke ni, ka iweko Lubanga odonyo i kwo ni ci pe ibedo ki lworo. In dong myero i wek en odony i kwo ni. Jol en i cwinyi ki niyee muromo ci ibed ki niyee muromo. Inge bedo ki mar, cut aketo i tic. Wacako bedo ki ayela i mutoka wa, ma watamo ni gin mo marac odonyo i kwo wa, ma onongo myero wacul dollar 400 nyo 500, ento wamede ka tic kwede kumeno.
Ci Lubanga oloko i cwinya ni: Joyce, ket mari ikoma mupong, wek bene amar in; pe iyeny bedo ki mar, ma dano myero gungee ni mar ni dwong makato ducu i koma. Ento i cawa ducu wek amar in.
Acako dong bedo ki niyee, lega ki wer me pako Lubanga. Cwara odwogo ki i garage kun owaco ni “Atemo kwanyo “Gear Number 1” Ci dong myero wacwal i ot wa pung wiye woko. Ci aloro dogola cut acako nyero. Nyero man oaa ki i cwinya ma bene pe angoyo pingo; ento pien ni, abedo ka lok ki Lacwec i cawa me odiko meno. Man aye ka iweko dogola me niyee ni obedo twolo, ci Rwot Lacwec twero donyo icwinyi. Apoo ni abedo ki nyero; meno aye niyee.
Abraim onyero dok onyero, ikare ma Lubanga onyutte ni en binongo latin laco. Ci onyede cen kun obedo ka nyero ka ogamo ni: “Atyeki
27
niyee muromo.”
Cara bene kong obedo ka nyero, ento akalakala onongo tye iye; ci otiro en. En pe otiro cware Abraim, pien obedo ka nyero ki niyee icwinye.
Ka ineno ni catan mito rubu wii, me kelo lworo icwinyi, bed ki niyee ni Lubanga mari, kun nongo inyero nyero me niyee.
Ci abedo ka nyero anyera, ci Rwot Lacwec owaco ni: “Ka ibedo ka kwo kweda kit eni Joyce, ci pe abicwero cwinyi; pe abicwero cwinyi; pe abicwero cwinyi” (owaco wang gidek). Myero ijenge i kom Lubanga, ka iwek en odony i cwinyi. Ci en twero bedo i cwinyi ma weko lworo ducu aa woko ki i cwinyi.
Lubanga maro in!
Bedo Agonya Labongo Lworo
29
MAR GUDU KOM DANO MADWONG
6
“Cik man wanongo ki bote ni, dano ma maro Lubanga myero omar ominne bene.”
1 Jon 4:21
In ibedo latin pa Rwot Lacwec ma pire tek (Nwoyo Cik 7:6). Ka icako kwo kit eni, ci i bikelo alokaloka i wilobo. Ka icito ka wil i cuk ci itwero waco ne ni: jami ducu ma abigudugi tin, nongo obedo gum. Alleluia komgigum me jolo an i “Store” me cat tin. Woro! Wot ki i dye supermarket meno kun nongo itye ka lwiyo, wer, ki dong bedo latin pa Lubanga ma kitte pat, ka icito ka mo keken.
Ka wangeyo kit wa maber ki bene ka wacako kwo calo Lubanga maro wa, ci watwero loyo wilobo kulu pi Yecu. Konye peke me nyatte ni ibedo Lakristayo, ento ka ineno mutoka mo ongolo nyim mutoka ni, ci i cako yet ni: “In pe ingeyo ni an acito i Kanica, in laming ni?”
Pe iwek catan oloo in: Wac keken ni: Catan, in dong i telo an ki lworo wa ki goba pi kare malac adada. An dong abiloyo in ki nying Yecu, pien en wod pa Lubanga.
Mar an, dok bene pe dong ibiromo timo gin mo dong. Mar pa Lubanga
Tit Botgi Ni Amarogi
30
ma tye i cwinyi, ryemo lworo woko ducu; ma weko ibiromo rwatte ki luwoti ki mar madit.
En biweko itimo gin awura pien Yecu dong otyeko cito bot Wone. Ento in itye ki niyee ni Lubanga bitic kwedi. Lubanga obimiyo boti gin ma niyee ni tye iye. Pe ibed ki lworo me kati woko atyer kamaleng.
An pe atwero cako wacco botwu kit ma atemo weko kwede lubu kor Lubanga, ento en owaco bota ni: “In ba Joyce! Wek kodi tami enu ni. An abitimo jami mabeco kun wok ki ikomi.” An dong amako niyee na matek, ci Lubanga pe oleyo wiya i kare mo keken.
An pe alworo poto pien angeyo ni Lubanga mara. En bene ngeyo ni amaro en adada, dok bene pi kica ne oweko amiyo kwona ducu bote. Ka itimo kit meno, imaro Lubanga, en bene mari ci dong pe tye gin mo ma biyelo wii. Anga ma obipoko kin wa ki mar pa Kricito? Peko, can, arem? Nyo keckum nyo cwercwiny? Pwod pi dini nyo kec? Bedo ki can, lworo nyo pala locwan? Kadi bed gicoyo ni, pi in giwaco ni rom ma dong giketowa I to nino ducu, dok bene gikwano gi i kin romi me aneka.
Ci inongo ni kadi bed ni peko orumu wa, wan watye ma calo jo ma guloyo jami maracu, pien waketo gen wa ducu i kom Lubanga.
Ka waneno Jo Roma 8:35-39, tito ni: Anga ma bipokowa ki i kom mar pa Kricito? Neno can nyo kumo, nyo ayelayela, nyo kec, nyo bedo munero, nyo gin marac, nyo pala locwan.
I kare mukene pe ingeyo kit ma Lubanga mari kwede wek ibed agonya. Ka cwinyi cwer, ci Rwot Lacwec iye pe yom. I twero aa malo, ci inongo ni cwinyi kec ata; igweyo wa bura, idangnge nyo ipwodo lutino; i dag wa jirani, ma dano ducu gineno cwercwiny ki i wangi.
31
Polle nongo itye ka tic, pe imito neno dano ka ngeti; kadi wa Lutino ni, bene pe imito ni gudwog cen pi gang oyot ki i gang kwan. In bene ingeyo ni gwoko cik pa Lubanga bene tek? Ka itye ki niyee ni Lubanga mari, ci myero i lub mar ma mere, mar meno dong pong icwinyi weko i cako maro kwede luwoti; ibibedo lakica.
Ka iniang ni Lubanga mari, ci itwero cang, dok bene alokaloka cako nen i jami ducu ma itimo pi nongo lonyo; wa ki mitii ni bene bicobbe kakare.
Gin ma weko Lubanga pe miyo jami ma wamitogi ducu, pien watye ka yelle cawa weng, ma weko pe watwero nongo kare me lok kwede. Lubanga mito ni inong yweyo ka bene imar en. En mito ni inyik bote wek en omar in pi gamo mar ma mere.
Ento catan mito ni ibed ki mar cawa weng; ma dong weko bedo ni, in aye ma myero Ibed ka mar. Ento pe itwero bedo ki mar keken ma pe imiyo cwinyi bote. Baibul nwoyo cik 7:6 tito ni: “Pien wun aye wudoko jo maleng pi Rwot Lubangawu, Rwot Lubanga otyeko yerowu ki i kin rok ducu ma tye i wilobo wubed Jone kikome.”
Lubanga olwongo in, ka imito ni en otii kwedi, ci twero tic kwedi, kadi bed ni pud itye I paco ni. Ento myero inge kong mukwongo ni Lubanga mari.
Tit bot Lubanga gin ma imito, ci dong icak bedo ki niyee ni jami ducu twere. Yecu bene obedo ka lega ki yenyo niyee ki bot wone ka ce mito cito ka rwatte ki luyee, wek lega ducu ma en mito gi otimme.
En dong cito ka lega, yaro bat I wiigi, ki bene timo tangu i kin gi. En pe bedo ka ma ding ki niyee keken, ento miti ni i kwo ni, myero obed pi cobo miti pa jo mukene.
Mar Gudu Kom Dano Madwong
Tit Botgi Ni Amarogi
32
Tutte pi nongo jami mabeco pi kwo ni bino icwinyi pien ingeyo ni Lubanga tye ki twero me cobo miti pi jami ducu ma i kemme kwede.
Mar pa Lubanga twero miini twero, me cobo miti pa jo mukene kong mukwongo. In itamo ni Lubanga mari, ma weko itwero cobo miti pa jo ma gibwono nyo gikok cawa ducu?
Ka imaro ngat ma maro in, gin mo ma pire tek iye gire pe; ento ka i tye ka temme me maro, ngat ma pe maro dano, ci wang ma ceng mo Lubanga oketo aloka aloka onen i kome. Twero cwalo mwaka 5 nyo mwaka 25; ento wang ma ceng mo otime. Ocwalo kare ma Rom mene kong pi Yecu me kuru in?
Lubanga maro in, wa ki dano ma gurumo ngeti, lubal nyo jo ma pe lubal. En mito tic ki in me kelo alokaloka I komgi nyo i kom dano.
Pe ibed ki lworo me kati woko, pien mar pa Lubanga weko ibedo agonya ki i kom lworo ki coyo bal i wii. En omiyo bot twero me mar ci dong myero iyar ker mar ma mere orom wilobo. Cak ki bedo luremgi, wek obed ma calo ticci; ci i bibedo ma calo gum botgi i nying Kricito.
Lwong-gi gubin ka cam i odi, mot cing-gi, buny kwedgi. Lubanga mito tic kwedi ma pe romo tic ki ngat mukene pi nyayo mar ma mere ilobo.
Tye jo mukene ma itwero tic pi gin, ento nongo in keken aye ma nongo gicimi me oo botgi. Peny Lubanga wek onyutti kit ma myero iyar kwede mar ma mere bot dano; ci en bipwonyi, kit ma myero i tii kwede.
Lubanga mari!
33
7
1 Jon 4:10 Waconi “Man aye mar, pe ni wan wamaro Lubanga, ento en aye omarowa, ci ocwalo wode me bedo gin me kwanyo bal woko ki i komwa.”
Lubanga marowa, ento pe aniang ka ce dano gingeyo kit ma Lubanga marogi kwede, ma ka onongo yam dano gingeyo (Mar pa Lubanga i komgi) kono tic ma gitimo pi nyuttu mar onongo pat ki ma kombedi tye kwede ni.
Ket lwod i kom gigu ducu ma tye i komi; ka cwinyi pe cwako, ci Lubanga bene twero loko ne woko. In iwinyo ning-ning ka iniang ni dano gimaro in. Ka kono iniang ni gidag in, ci i tamo iye ningo? Lubanga otito bota ni jo ma gibikwano buk eni, pe gibimaro kwo gi keken-gi; kun nongo gibwone ken gi ni gin kara pe gin mo.
Baibul Carolok 23:7 tito ni “En bedo calo ngat ma lwodo lok ki i cwinye: en wacci “Cam dok imat ba!” Kun nongo cwinye pe ikomi. Myero ibed ki cwiny ni Lubanga mari, dok bene myero ingee kero me mar ma mere i komi. Lubanga mito ni i leg bote jwii ci obikelo alokaloka i komi. Ka pe iketo Rwot Lacwec wii atii, ci en pe biromo timo gin mo pi in. I cawa ni ma iyero me lega bote, en aye ma weko en bimaro in, ci bikello tekcwiny i niyee ni wa ki i cwinyi bene.
MAR PA LUBANGA OBILOKO KWO NI
Tit Botgi Ni Amarogi
34
Pol jo mukene komgi wac, gimito ni gitim jami atima pi gin. Pe ibed ka waco pi gin ma gengo in ki lega. Jo ma gitye ka waco pi gin ma gengo in ki lega, jo ma gitye ka kwano lokka eni, ma pe gimaro lega, nongo cwiny pa catan odonyo i komgi; kun nongo giwaco kwede ni: “Ento itye ki lwaki jami ma myero itim gi bene.” Pe iwiny lok pa Catan. Lok pa Lubanga ki lega obiloko kiti. Lubanga omiyo ki in twero me timo jami mabeco pi in.
Baibul Jo Pilip 4:13 tito ni: “Atwero jami ducu liweng pi Kricito ma miya teko.” Man tyen lokke ni, i twero timo gin mo keken i nying Yecu Kricito.
Tek ineno Lubanga ocimo peko mo boti, ci aa malo, ilweny ikome cut, tutwalle ka ce itiyo ki mar pa Lubanga, kun onongo ikwero tic cilo ki goba pa catan, ci ibinongo ni ibicobo peko ducu, ma tye ka diyo in. I twero timo tic ki lworo, ento ka ce itye ki niyee ni, in dong ityeko doko dano manyen, pe ibiromo timo gin mo, nikwanyo wang ma I waco Gi pak Rwot. Adoko dong dano mapat Atye ma cwinya leng dong. Lubanga oyera. Olwoko an ki remo romo. An abitimo tic kit ma Lubanga mito. Pe aparo, in catan kadi atim bal mapol ma rom mene. Lubanga jolo an, weko amede anyim. En kwanyo cilo ducu ma tye i koma!
Peko ango ma twero ngayo wangi ka ingeyo ni Lubanga maro in: Gin mo ma biromo loyo in peke matwal. Imito bedo ngat ma gin mo pe ngayo wange? Nyo imito cobo peko mogo ma yeli? Ka ce pe itye ki peko mo, nyo pe tye gin mo ma omyero itutte pire wek icobi, ci kono doki ikayo laki pi gin ango?
Ka iweko Lubanga mari, wa in bene imaro Rwot Lacwec, ci cwinyi bipong ki mar I kome; iwoto ka ducu calo lamero. I kare ma pud gubatija an, ki cwiny maleng, pi kare me cabit adek, onongo bedo calo
35
amer amera, ki lok pa Lubanga. Dano gubedo ka penya ni: “Joyce, ngo ma rac kwedi? Kiti pat kit ma naka con. I nge cabit adek, gin joni gupenya ni: “Ngo ma otime marac i kwo ni i kare mukato angec?”
An pe atimo gin mo mapat wek gunen kit ma atye kwede. Ka imaro Rwot Lacwec, nongo i bunyu cawa weng. Ibinen ma mwonya, ibibedo ki teko wa ki kero. Ibi tucu lok pa Lubanga maber, pien nongo i pong ki cwiny maleng, ma weko gigu ducu ma imitogi, twero cobbe.
Wac i cwinyi keni ni: “Lubanga mara” Alleluia Lubanga mara an atye latinne ma pire tek.”
Medde dong anyim, bed ki niyee.
Lubanga mari adada!
Mar Pa Lubanga Obiloko Kwo Ni
37
BED KA NONGO KWO MANYEN
Ka onongo pud pe ya i jolo Yecu i kwo ni, ci cak dong kombedi. I twero lega kit ma aketogi piny eni, ma ka itye ki cwiny me ada, ci ibinongo kwo manyen. I Kricito.
Baba Lubanga, aye ni Yecu Kricito obedo wodi, lalar me wilobo. Ayee bene ni en oto i wii yatariya pi an, ka bene otingo balla ducu. Olor i kapiny ka bene oloyo to ki bur lyel. Ayee bene ni Yecu ocer ki i nge to mere, ka kombedi dong obedo tung lacuc pa wonne i polo. Amito in Yecu. Tima kica pi balla, lara, bin i kwo i iya. Amito ni aroc adok manyen.
Kombedi dong ibed ki niyee ni Yecu tye i adunu ni. Ni dong gitimo kica i komi, ki bene dong ibidonyo i wiipolo. Nong Kanica maber ma pwonyo lok pa Lubanga wek i cak kwo i niyee pa Kricito. Gin mo pe twero lokke i kwo ni, labongo ngec i lok pa Lubanga. Baibul Jon 8:31-32; waco ni: “Ka wumoko I lokka, ci wun lupwonye na adada miyo wubingeyo lok me ada, lok me ada biweko wubedo agonya.”
Amito amii tam botwu ni wumak lok pa Lubanga matek i adunu-wu; ci weko, ma lubbe ki Baibul 2 Jo Korint 3: 18, ka ineno kit ma wilobo tye kwede, wabilokke wadoko i te cal pa Yecu Kricito.
Coo wek angee ni in dong ityeko jolo Yecu, ka bene i peny buk me nono ma tito kit ma myero i cak kwo ni, kwede I nying Kricito.
Ki mar An Joyce
38
LOK I KOM LACOC
Joyce Meyer obedo ka pwonyo lok pa Lubanga nicakke i mwaka 1976; ka dong ma onongo tye iye calo latuc jiri kikome, nicakke i mwaka 1980.
En ocoyo buk madwong ma kato 70, dok bene. En aye ma pud dong lanyo, i cato buk pien dano gimaro bukke ducu.
Pol bukke, tye i kom cwayo cwiny dano i lok pa Lubanga; yenyo kor kuc; kit ma myero iwiny kwede pwony pa Lubanga; barlweny pi adam ki mukene madwong. En bene omako mukene i Casette, ma twero winye i Radio, nyo mukene ginyuttu i Television.
Joyce ki cware Dave kacel ki lutino gi angwen (4) gibedo i St. Louis Missouri.
LEGA ME NILARE
Lubanga mari dok mito ni ebed kiwat macok kwedi.
Ka onongo pwod peya ijolo Yecu Kristo macalo Rwoti ki Larlar ni, itwero timo ne kombedi.
Yab cwinyi bote cii ileg lega eni…
‘’ Wora, angeyo ni an abalo boti. Alegi ni itima kica. Lwok an maleng, dong acike me geno Yecu, mawodi.
Aye ni en oto pi an- en otingo bala ikome, ikare ma en oto ikom yataria. Dong aye ni en ocer ki ilyel.
Dong amiyo kwona bot yecu kombedi. Apwoyi wora, pi mot me kica ki me kwo ma pe tum ma dong imina. Dong Ikonya wek akwo kwo pi in, Inying Yecu, Amen.”
Kit ma dong ilego ki icwinyi ni, Lubanga dong ojoli, olonyi, ki dong ogonyi ki itwec me cwiny me too. Dong kwany kare me kwano wang jiri magi, ci ipeny Lubanga me lok kwedi ka iwoto kacel kwede iwot man me kwo manyen ni.
Jon 3:16 1 Korinti 15:3-4Jo Epeco 1:4 Jo Epeco 2:8-91 Jon 1: 9 1 Jon 5:11 Jon 4: 14 -15 1 Jon 5: 12-13
Peny Lubanga me konyi wek inong kanica maber ma yee ikom lok pa Lubanga ki kome (Baibul onyo Jiri), wek ocuk cwinyi ki owek idong iwati ki Kristo. Lubanga tye kwedi ikare ducu, en bi teli mot mot ci nyuti kit me kwo, kwo mu pong ma en tye kwede pi in!
Myero Irot Mic Pa Lubanga Pi In:
Mar Ma Bino Pire Kene!
Twero pa Lubanga ducu liweng wa ki mar mere, tye boti-tin! Ento in pud pe ya i tye i kin lwak meno. Lubanga mari calo in aye ma i tye piri keni i lobo. Ento keken ni meno, calo pol pa dano, i kare mukene pe i twero niang ni Lubanga mari...nyo ka ingeyo ki I wii, i kare mukene pe ingeyp waki i adunu ni.
Man dong kombedi itwero niang; lok pa Lubanga i buk eni ma ewayo ewiny dano ni, obinyuttu boti:
• Kit ma myero iniang kwede mar pa Lubanga ma tye iewinyi.
• Kit ma myero ijuk kwede akalakala ma weko itamo ka ce kitti ber nyo pe.
• Kit ma iromo niang kwede ki ur madit iyo ma Lubanga yabo ki ewinye pi maro dano.
• Kit ma myero inong kwede Lubanga i kare ma nongo itye ki arem me ewiny.
• Kit ma pa Lubanga twero lokko kwede kiti matwal.
Kit ma Joyce Meyer olimo kwede kwo me lobo ki Niyabo me ewiny, en dong okelo kamaleng pwony ma i Baibul ki lok mukene me ryeko ni wek wunywak kwede kacel; pien pwony ma mere ki bene ngec i kom lok pa Lubanga, twero yabo mar pa Lubanga, ma dong weko tar pa Lubanga twero menyo in.
#1 NEW YORK TIMES BESTSELLING AUTHOR
TIT BOTGINI AMAROGI
Jolo Cwiny Ma OyabePi Mar Pa Lubanga
