Vjenčić ВенВенчик - Savez Rusinaп ол удз енк шр м боюутр езньш иц кхч ал н овб яз к.Я с рей-ш их рок , … анзт еп

ISSN 1331-2189 70ЧИСЛОНОМЕРBROJ 3/2014

Izdaje: Savez Rusina Republike HrvatskeВидaвa: Союз Русинох Републики Горвaтскей

VjenčićVjenčićВенчикВенчик

Дзень националних мен-шинох Городу Заґребу,котри ше звичайно от-

римує штредком юния, пренєвигодну хвилю преложениза 14. септембер, алє ше на-жаль и того дня нєбо над глав-ним городом Горватскей по-хмарело и спущел ше моцнидиждж. У красним околїскупарка Зринєвац под отворе-ним нєбом шицки учашнїкидобре помокли, та и завлаче-ли народне облєчиво у котримнаступали. На тей манифестациї пред-ставели ше 18 националнименшини котри жию у Заґре-бу: албанска, бошняцка, бол-гарска, чарногорска, ческа,мадярска, македонска, ром-ска, руска, русийска, сербска,словенска, словацка, польска,нємецка, италиянска, україн-ска и жидовска. Програму,котра почала на 10,00 и тир-вала по15,00 годзин, отворелпредсидатель Координациї ра-дох националних меншинохГороду Заґребу Золтан БалажПири, а у мено городоначал-нїка Милана Бандича нащи-вительох и учашнїкох приви-тала перша помоцнїца ВеснаКусин. Водителька програмибула Хенрика Вилович зозчарногорскей националнейменшини котра зоз пригодни-ма словами описовала женскеи хлопске народне облєчивокотре ношели представителєкаждей меншини. Док преззринєвацки парк одгуковалирижни мелодиї и танци, на-щивителє розпатрали штандина котрих були виложени ви-даня лєбо кнїжки на маце-ринских язикох, коштовалинационални єдла и пица. Рус-ку меншину на поволанкупредставителя Городу Заґре-

бу мр Иринея Мудрого пред-ставела дзецинска танєчнаґрупа КУД а „Яким Ґовля” зозМиклошевцох. Младши дзециодшпивали „Любичица мала”,дзивоцка ґрупа „Дай нам

Боже” з провадзеньом ИванаЛїкара на гармоники. Солис-тка Паула Поточки одшпивала„Червени чижмочки”, а на кон-цу дзеци одтанцовали „На Бе-лилу” у хореоґрафиї Желька

Лїкара. После наступу дзецикоштовали руски єдла котрипорихтали супруга ИринеяМудрого и супруга його тай-омнїка Якима Павловича, учи-телька Мария Блотней зоздзивку Ану и Ана Бабич (Се-ман – Дудаш). Вони напекличереґи, белюши, рейтеши зозяблуками, на квасу зоз макоми орехами и други лакотки.Друженє ше предлужело уресторанє „Медведница”, а пополудзенку ше рушело домубо юутредзень шицких чекалинови обовязки. Як и скорей-ших рокох, орґанизаторе про-грами була Координация ра-дох и представителє нацио-налних меншинох Городу За-ґребу.

Ксения Лїкар

ТАНЄЦ ПО ДИЖДЖУ

МИКЛОШЕВЧАНЄ НАСТУПЕЛИ НА ДНЮ НАЦИОНАЛНИХ МЕНШИНОХ У ЗАҐРЕБЕ

Дзивоцка шпивацка ґрупа у виводзеню писнї «Дай нам Боже»

Часц танцу «На белилу»

Хлопска фиґура у танцу «На Белилу»

Миклошевски дзеци у Заґребе зоз своїма домашнїма

70

2014.GODINAPOK

SADRŽAJ - ЗМиСТBROJЧИСЛО

Танєц по дижджу - Ксения Лїкар . . . . . . . . . . . . . . . . . . . . . . . . . . . . . . . . . . . . . . 2

НAШО ПИСAТЕЛЄ

Ирина Гарди-Ковачевич . . . . . . . . . . . . . . . . . . . . . . . . . . . . . . . . . . . . . . . . . . . . . 4

Нащивели зме першу ґрупу школярох

Лєтней школи Русинох РГ у Ораховици - Агнетка Балатинац . . . . . . . . . . . . . . . 6

Початок - о. Владимир Седлак . . . . . . . . . . . . . . . . . . . . . . . . . . . . . . . . . . . . . . . . 8

100 роки школи у Петровцох - Илона Грецешин . . . . . . . . . . . . . . . . . . . . . . . . . . 9

Лєтна школа у Ораховици - Мануела Дудаш . . . . . . . . . . . . . . . . . . . . . . . . . . . . 10

Дзецински “Винковски єшенї” отримани - Звонко Костелник . . . . . . . . . . . . . . 12

ПИСАТЕЛЄ ВАМ НАПИСАЛИ

Сход животиньох у лєше - Яким Пушкаш . . . . . . . . . . . . . . . . . . . . . . . . . . . . . . 13

школярски ошмих - Ксения Лїкар . . . . . . . . . . . . . . . . . . . . . . . . . . . . . . . . . . . . 13

Клайбас - Любица Гаргай . . . . . . . . . . . . . . . . . . . . . . . . . . . . . . . . . . . . . . . . . . . . 13

Слон - Любица Гаргай . . . . . . . . . . . . . . . . . . . . . . . . . . . . . . . . . . . . . . . . . . . . . . 13

Пшичок Буби - Яким Пушкаш . . . . . . . . . . . . . . . . . . . . . . . . . . . . . . . . . . . . . . . . 15

Жем - Агнетка Балатинац . . . . . . . . . . . . . . . . . . . . . . . . . . . . . . . . . . . . . . . . . . . 15

ЗОЗ ШИцКИХ БОКОХ

Привит лєту и Червене пупче - Ксения Лїкар . . . . . . . . . . . . . . . . . . . . . . . . . . . 14

«Жем без гранїцох» - сон постава стварносц - Агнетка Балатинац . . . . . . . . . 15

Поглєдайце цудзи слова - Любица Гаргай . . . . . . . . . . . . . . . . . . . . . . . . . . . . . . 16

Благослов школярох у Петровцох - o. Владимир Седлак . . . . . . . . . . . . . . . . . 16

ШКОЛЯРЕ СОТРУДНЇКИ . . . . . . . . . . . . . . . . . . . . . . . . . . . . . . . . . . . . . . . . . . . . 17

ЗAБAВНИ БОК . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . 18

школярски гумор - Яким Пушкаш . . . . . . . . . . . . . . . . . . . . . . . . . . . . . . . . . . . . . 18

Мудри виреченя о школи и ученю - Любица Гаргай . . . . . . . . . . . . . . . . . . . . . . 18

Крижалька - Любица Гаргай . . . . . . . . . . . . . . . . . . . . . . . . . . . . . . . . . . . . . . . . . 18

UREDNIŠTVO: Vera Pavlović (glavna i odgovorna urednica), Ahnetka Balatinac, Ksenija Ljikar i Danijel VašašSAVJET UREDNIŠTVA: dr. sc. Oksana Timko Đitko (predsjednica), Ljubica Harhaj, Marijana Džudžar, Zlatko Hirjovati, Joakim Erdelji i Vera PavlovićLEKTORI: Marija Vulić (rusinski jezik), Andreja Magoč (hrvatski jezik)

Tiskanje potpomaže Savjet za nacionalne manjine Republike Hrvatske.

РеДAкЦиЯ: Вера Павлович (глaвнa и одвичaтельнa редaкторкa), Aгнеткa Бaлaтинaц, Ксения Лїкaр и Дaнил ВaшaшСОВиТ РеДAкЦиЇ: д.ф. н. Оксaнa Тимко Дїтко (предсидaтель), Любицa Гaргaй, Мaриянa Джуджaр, Злaтко Гирйовaти, Яким Ерделї и Верa Пaвлович

ЛекТОРе: Мaрия Вулич (руски язик), Андрея Маґоч (горвaтски язик)

Друковaнє помaгa Совит зa нaционaлни меншини Републики Горвaтскей.

нa першим боку: Агнетка Балатинац: Пажица зоз кветами у осєцкей «Жеми без гранїцох»

нa остaтнїм боку: Агнетка Балатинац: Школяре старшей ґрупи на тогорочней Лєтней школи у

Ораховици

Tiskano – Друковaне

9 / 2014

Cijena Kuna

Ценa Куни5Rukopisi se ne vraćaju.

Рукописи ше нє врaцaю.

“VJENČIĆ”

Tiska: Savez Rusina RH

www.sriu.hr

[email protected]

Za nakladnika: Dubravka Rašljanin

Uredništvo: Vukovar,

Vijeća Europe 93

Tel. / faks: 032 428–342

Žiro račun: 234009-1110057465

Tisak: Tiskara Soldo, Vukovar

Naklada: 600 primjeraka

“Венчик”

Видава: Союз Русинох РГ

www.sriu.hr

[email protected]

За видавателя: Дубравка Рашлянин

Редaкция: Вуковaр, Рaди Европи 93

тел. / факс. 032 428–342

Жиро рахунок: 234009-1110057465

Друкує: Друкарня Солдо, Вуковар

тираж: 600 прикладнїки

Ирина Гарди-Ковачевич народ-зена 17. септембра 1944.року уРуским Керестуре. Там закончелаосновну школу. О рокох свойогодзецинства сама писателька при-поведа у своєй биоґрафиї: «Першипамятки остали найцеплєйши инайнїжнєйши. То бул час кед мистарша шестра почала битку зкривульками котри наволовалабукви, а младша була праве такаже сом ше уж дакеди могла зозню бавиц. Швет кнїжкох, сли-ковнїцох, маґичних творох на-родней кнїжовносци приповеданиз устох «оцовей» баби и дїда, по-

ставал з роками вше дефинованшиу моєй психи и вше баржей ме прицаговал.У трецей класи основней школи обявени ми першиписньочки котри сом єдного дижджовного дня покрадзмеположела на перши стол за дзверми у редакциї «Рускогослова». То були перши поетски призначки о шицким цосом преживйовала у школи и обисцу...»Штредню економску школу закончела у Кули, послечого кратши час робела у Зeмлєдїлскeй задруґи у РускимКeрeстурe як рeфeрeнт. Медзитим, любов ґу литературиуплївала на єй конєчне опредзелєнє при вибераню жи-вотней драги и приведла ю до редакциї «Руского слова».Од часу кед постала новинарка, попри сотруднїцтва у«Пионирскей заградки», дзе обявює свойо писньочки,прозни состави и статї, Ирина Гарди сотрудзує и у «Ли-тературним слове». Року 1969. виходзи єй перша збиркаписньох «На дланї заренко», зоз хтору вона до рускейлитератури закрочела як поетеса. Попри новинарскей роботи, позарядово закончела Фи-лозофски факултет у Новим Садзе. З редакциї «Рускогослова» преходзи на нову длужносц, редактора младежскогочасопису «МАК» (1974.–1981.), док познєйше заш шевраца до «Руского слова» як главни и одвичатeльни рe-дактор. Року 1987. прeходзи до "Днeвник"-у на длужносцрeдактора културнeй рубрики, а потим ту роби як шлє-бодни рeпортeр. До пензиї одходзи 1999.року, а жиє уНовим Садзе.Ширшей явносци Ирина Гарди-Ковачевич позната нєлєм як поетеса и член Дружтва писательох Войводини,новинарка и редакторка, алє и як активни културни идружтвено-политични роботнїк. Заступeна є у 10 анто-лоґийох поeзиї, прeдставeна у коло двацeц пeриодикохна шицких язикох бувшeй Югославиї и у иножeмствe,написала два драми за сцeну и три радио драми, одбавeла20 улоги за котри достала високи припознаня, обявeлаколо 150 прикази, критики и рeцeнзиї. Потераз обявеладва кнїжки поезиї за одроснутих, збирку приповедкох-леґендох «Нєбо над Керестуром», векшу збирку поезиїза дзеци «Тисяч радосци», и два сликовнїци «Бависка»и «Куцик мудросци».

пририхтала Леся Мудри

4 VJENČIĆ ВЕНЧИК ВІНОЧОК 70/2014


ИРИНА ГАРДИ-КОВАЧЕВИЧ

На тим дворе Нєушоревишла крава-Млєкодава,вишла кура-Зногуґура,вишла миша-Погубиша,вишла гуска-Водуплюска,вишла качка-Рапотачка,вишло праше-Оєдаше.

Вибег Яни Нагнїванита розогнал на сто странитоту краву-Млєкодаву,тоту куру-Зногуґуру,тоту мишу-Погубишу,тоту гуску-Водуплюску,тоту качку-Рапотачку,тото праше-Оєдаше.

Настал мир на цалим шоре,бо змирело ше у дворе.Животинї мир достали,лєм ше мена паметали:же то крава-Млєкодава,же то кура-Зногуґура,же то миша-Погубиша,же то гуска-Водуплюска,же то качка-Рапотачка,же т о праше Оєдашеи же Яни-Нагнївани!

НЄШОР

570/2014 VJENČIĆ ВЕНЧИК ВІНОЧОК


Тисяч радосци най буду госци у дзецинстве нашим.

Тисяч радосци то можлївосцивитвориц го цо красшим.

Бавме ше, бавме, то нам задатки и любме шицко красне.

Бавме ше, бавме бо днї нам кратки, прейдзе дзецинство вчасне.

Хто люби себе люби и другихи нїґда сам нє будзе.

Хто щесце глєда и щесце дава, зоз нїм щешлїви людзе.

Любме ше, любме, бо то найкрасше през нашо кратке жице.

Любме ше, любме, бо краса глєда най живот будзе квице.

ТИСЯЧРАДОСцИ

Єшень здравка: добре рано.

На громадки назберано велї днї.

Лїсце лїсцу сциха шепта –

лєм нє бануй, мой брацику,

шпи цихучко, шпи.

Єшень шпива писню витра,

писню зреца, писню сна,

писню мира.

Цеплота ше з плодох лєє-

вилїва ше подзековносц,

радосц щира.

Єшень сладзи часи труду,

хладзи лєто, зреє жиму,

слави яр. Єшень плаци шицким шицко,

за каждого хто ше зноєл

рихта дар.

Єшень водзи по улїци

шиви молги, дижджи жимни,

цепли шмати,

та отвера школски кнїжки

пред оч дзецом, дзе мирую

тисяч тайни нєпознати.

ЄШЕНЬ

Питали ше дзеци лєсу

дзе шмату свою одклада

кед му так з нєй днями

лїст по лїст одпада.

Прецо пуща най конари

сухи бридко ше голєю

кед му ноги заш, закрити,

злаца ше и червенєю.

А лєс мудри, стари,

крашнє им так гвари:

– Дораз жима,

шнїг ми будзе

била бунда за конари,

бо од мразу будзе требац

наоблєкац цепли ствари.

Жеми давам шмати свойо

най ми их превраци

и, кед на яр шнїг нєстанє,

обновени враци.

ДЗЕцИ И ЛЄС

Уж зме нє дзеци вецей; и болї, и смутно, и весело и крашнє источасно то. Раз заплачеме на слунку ясним, раз у ошмиху видзиме зло.

И боль и смуток, кед своїх довчерайших вирних на драги далєкей випровадзаме, и крашнє, и весело и возбудзує то, кед нови стретнуца на нових дражкох дочекаме.

Раз диждж нам пада, раз слунко швици и дуга обнїма швет, раз вшадзи фарби червени и капки роси ше швица, а вецка хмари налєца и шветла нїґда нєт.

Уж зме нє дзеци вецей,то шицки добре знаме, бависка дзецински охабяме,и перши писма пишеме, и перши тайни пред родичами скриваме. А заш лєм, кед вчас рано,мацери по знойних власохпренїжно погласкаю, ми чувствуєме: як по снох наших щешлївих, ище вше боси дзеци ше оганяю.

УЖ ЗМЕ НЄДЗЕцИ ВЕцЕЙ


НАщИВЕЛИ змЕ ВАС

Прекрасни попатру-нок на Папук иКрндию, док зме

вожели у напряме Орахо-вици, дал нам знац же зменєдалєко од места котреглєдаме.

Бул то камп, односно Лєт-на школа за виучованє рус-кого язика, култури и тра-дициї котру уж вецей якштерацец роки орґанизуєСозю Русинох РепубликиГорватскей.

Лєтна школа тирвала одод 9. по 23. юлий. Булотам, у двох ґрупох, коло150 школярох од 2. по 8.класу. Ми нащивели першуґрупу котра пребувала уодпочивалїщу «Меркур»од 9. по 16. юлий. Дирек-тор Лєтней школи булЗвонко Костелник, тайом-нїк Союзу Русинох РГ ианиматор култури, а ма-церински язик школяромпреподавали Мануела Ду-даш, Леся Мудри и ВераПавлович, док у другейґрупи место Мауели Ду-даш мацерински язик пре-подавала Лела Дїтко. Уобидвох ґрупох за музичнукултуру була задлуженаАгнета Тимко, а за фол-клор Звонко Костелник.Понеже то одпочивалїщеЧервеного крижу з Осиєку,аниматоре Червеного кри-жу у шлєбодним чаше ина базену орґанизовалирижни бависка за дзеци, апопри горе наведзеного,дзеци мали нагоду упознацисторию, културу и тра-дицию Руснацох през при-зму преподаваньох прила-годзених за таку файту

тирваня едукациї, та око-лїско Ораховици и сам го-род Ораховицу.

Медзи дзецми котри при-шли з рижних наших мес-тох, по перши раз нашлише ту и коло 30-еро дзециз Пишкуревцох. Питализме ше им цо им найци-кавше, цо найволя, а цоим найчежше? Лоґичниодвит бул же им забавнизмисти найцикавши, а язики история найчежши. Пи-тали зме ше им як им идзеазбука, чи ю уж дакедиучели? «Нє» – одвитовалинам, алє нє чежко. Гваря– наисце є cool .

Ника Лепшич з Пишку-ревцох, з мишаного мал-женства, похвалєла намше зоз своїма рускима ко-ренями. Гварела нам жеєй баба Наталка Рускиня,а о Лєтней школи ма лємкрасни слова. Того року

була перши раз и шицкоше єй барз пачи, а окремеже упознала велїх новихприятельох. Подобного ду-маня и Иван Пастор, Да-ниєла Поквич, Андреа Ма-ринчич, Луциян Рапу-шич..., а Сара Мохер, ок-рем забавних змистох, барзполюбела азбуку.

Бланка Бучко з Петров-цох гварела нам же доманє бешедую по руски, алєвона бешедує з бабу, а да-кеди и з оцом, алє нє часто.На Лєтнєй школи барз шеєй пачи рисованє, а – зошмихом гвари – мож тунайсц и симпатию.

Катрин Гарди, тиж з Пет-ровцох, найволї рускиязик, док Оливера Кошу-тич з Вуковару, котра наЛєтних школох була ужвельо раз, люби шицкизмист, алє найвецей любифолклор. Тиж так ше єй

пачело же вельо научелио традицийним руским об-лєчиве, о Майскому древ-ку, свадзбох, о обичайохпри Руснацох.

Лара Артукович з Осиєку,котра перши раз на Лєтнейшколи, гвари же найволї«ритмику» – думаюци нафолклор, а тиж так барзлюби и шпиванє. Ма на-миру присц и идуцого рокукед будзе нагода. Шицкиодушевени зоз змесценьому одпочивалїщу Червеногокрижу док Оливера, котра«стари» школяр Лєтнихшколох, гвари же єдзенєлєпше як кед були у Лєт-ней школи на Хвару.

Перши раз на Лєтней шко-ли бул и Кристиян Мик-лош з Миклошевцох котриуказал окремни талант зашпиванє, а гвари – сиґурнопридзем и нарок.

Оливера Кошутич, Лара Артукович, Катрин Гарди и Бланка Бучко

НАЩИВЕЛИ ЗМЕ ПЕРШУ ҐРУПУ ШКОЛЯРОХ ЛЄТНЕЙ ШКОЛИ РУСИНОХ РГ У ОРАХОВИЦИ


НАщИВЕЛИ змЕ ВАС

У єдней хижи були змес-цени дзивчата з Микло-шевцох вєдно з дзивчатмизоз Старих Янковцох. Гва-ря Миклошевчанки, – тонаисце супер, дораз змеше сприятелєли.

Ксения Пап, АнамарияМудри и Сабина Ждинякна Лєтней школи першираз, алє барз им ше пачи,а окреме же ту научелидзе ше находза Карпати,ґеоґрафске подруче за кот-ре ше вяже история Рус-нацох. Любя мацеринскиязик, шпиванє, танцованє,алє и шицки забавни змис-ти. А окрем бавискох убазену, гвари АнамарияЛїкар, котра други раз наЛєтней школи, барз цикавиКараоке.

Же би ше хижи тримали упорядку, було и оценьованєнайпошореншей хижи.Гвари Анамария Лїкарже їх хижа освоєла першеместо.

Медзи дзецми з котримазме бешедовали у прек-расним амбиєнту вонкаш-нїх просторох, могло шечуц же су барз радосниже пришли на Лєтну шко-лу и лєдво чекаю идуци

рок же би пришли знова.

Треба ище повесц же тубуло дзецох з Петровцох,Миклошевцох, Вуковару,Осиєку, Пишкуревцох,Старих Янковцох, Срим-ских Лазох, алє тиж так из Райового Села, котре утедишнї час церпело превельки вилїви води.

Агнетка БалатинацФото: А. Балатинац

Амбиєнт комплексу одпочивалїща Червеного крижу у Ораховици

Пишкуревчанє Ксения Пап, Анамария Мудри, Анамария Лїкар и Сабина Ждиняк

Дражен Грубеня з Райового Села


Єшень пришла, школа почала.За нами лєтни школи, морйо,нащива родзини, наступи з

фолклором, красни здогаданя. Да-єдни з нас по перши раз рушели довекшей школи, або до новей класи,нового штредку, або на автобусу...З єдним словом вельо новосци... Напочатку школского року бул старо-давни обичай благослов школярох,його мали нє лєм ми, алє и други на-роди. Вон помали заш оживює и до-бре же є так, бо и школа и ученєчасц нашого живота як и шицко дру-ге и кед ше уж за вельо того мод-лїме, чом бизме ше нє помодлєли иза нашо ученє и за нас самих?Треба,медзитим, знац як модлїц правилно.

Бо молитва нє заменює наш труд,алє заволує на ньго благослов котрише манифестує прейґ удатносци ина концу добрей оцени, а добраоцена нє лєм 5, алє спрам можлївос-цох каждого з нас, кажда преходна

оцена. Так за дакого 3 може буццалком добра, одражує його та-ланти и преходносц, а за дакого, по-неже може и вецей и лєпше, а лєнї-вец є же би учел, 3 представяганьбу, бо нє уложел анї кущичко одсебе до ученя. Правилна молитва унас будзи дух вреднованя нас са-мих, щиросц, кельо бим я то наисцемогол од себе дац и посцигнуц. Умолитви скорей ученя питаме у пер-шим шоре же бизме ґу роботи котруокончуєме приступели одвича-тельно.

Значне и чувство посцигнутого ус-пиху. Як ше я зоз нїм ношим? Чизнам у нїм препознац и цешенє ро-дичох же сом добри школяр, чи знами подзековац з молитву за удатнуроботу и вимодлєну ласку? Чи ос-тава лєм пиха, же ми други, анї поколєно, а я свойо цо посцигнул, толєм мойо и нїчийо вецей? У школиучиме прето же бизме з наученого у

пракси з другима дзелєли. Наисце,у шицких роботох котри чловек презживот роби, опрез себе видзи истрета другого. Кажде знанє хасно-вите лєм кед ше го з другим подзелї.Власна пиха и мой вельки еґо ос-тава лєм мой и нєдожити од других,бо думам же други нє доросли томуже бим дзелєл з нїма.

Правилна молитва то тота, котра утаких хвилькох будзи у наших шер-цох понїзносц. А спомедзи понїз-носцу и понїженосцу велька роз-лика. Понїзни, або скромни, видзиколо себе другого и будзе видзениод другого, а тот котри понїжує, насилу надрилює себе другим. На по-чатку нового школского року жадамшицким нам благослов Божи и велїуспихи и радосц у нїх, вєдно з роди-чами, алє и зоз пайташами на кот-рих бизме пре власни успих нїґда нєшмели забуц.

о. Владимир Седлак

Початок

ВИРСКИ БОК


Пияток, 19. септембра2014. року у Подруч-ней школи Петровци

котра припада Ош АнтунаБауера Вуковар, було барзшветочно. школа славеласвой 100. родзени дзень. Тогодня коло нєй ше позазберо-вали велї єй школяре, учи-телє и терашнї и бувши. Програма започала зоз ин-тонованьом гимни РГ, котрувиведол школски хор под ру-ководзеньом наставнїци Ми-лунки Ґори. Памятну таблуодкрила учителька з най-длугшим стажом, МеланаДюдяр, а поблагословел юпетровски парох ВладимирСедлак. У школскей дворанипредставена моноґрафия»100 роки школи у Петров-цох«. Кнїжку представели єй

авторе Еуґения Врабец, мрсц. Владимир Седлак и На-талия Гнатко. О кнїжки бе-шедовали сотруднїки ИванМадярош и Томислав Рускай.Даскельо слова о тим знач-ним ювилею гварели и єйвидавателє – директор шко-ли Йоза Михалєв и предси-датель Дружтва »Руснак«Мийо шайтош, та госци ДюраПапуґа, предсидатель шве-товей ради РРЛ, Ирина Па-пуґа, предсидателька Друж-тва за руски язик и литера-туру Нови Сад, бувши шко-ляр Винко Зидарич и учительСимеон Дудаш. шветочносцзвелїчали поджупан Вуко-варско-сримскей жупаниїДьордє Чурчич, началнїк Оп-штини Боґдановци Юрай Ми-хайлович, заменїк началнїка

Ярослав Медєши, як и велїбувши петровски учителє ишколяре. Модератор пред-ставяня моноґрафиї була мрИлона Грецешин. У школским голу нащивителємогли опатриц фото виставу»школски памятки«, а велїз нїх могли ше и пренайсцше на фотоґрафийох. Вис-таву порихтала учителькаНаталия Гнатко. Значне по-весц же моноґрафия богатазоз »школскима памятками«праве прето же мала вельосотруднїкох, котри и зазна-чени при каждей фотоґра-фиї. У Доме култури отриманакултурна програма. Понежеше у петровскей школи можунаучиц 5 язики и на програмише то могло видзиц и чуц.Першокласнїки одрецитова-ли привитну писню по гор-ватски, школярки з наставиукраїнского язика порихталиписню на українским, а те-рашнї и бувши школяре на-стави руского язика и кул-тури приказали школски про-єкт »Свадзебни обичаї Рус-нацох«. На концу програмиушлїдзела винчованка з на-годи 100. родзеного дня ито на горватским, руским,українским и анґлийским язи-ку, а вец нєодлуга у сали»Соколана« було и гашенєшвичкох на торти, як цо тообичай на родзеним дню.У церкви Покрова ПресвятейБогородици отримана Служ-

ба Божа з панахиду за по-койнима учителями, школя-рами и шицкима котри ро-бели у петровскей школи. Означованє 100 роки школиу Петровцох отримане подпокровительством Министар-ства науки, образованя испорту Републики Горват-скей. Соорґанизаторе єйбули Грекокатолїцка парохияПетровци, »Руснак« ДружтвоРуснацох у Републики Гор-ватскей, КУД »Яким Гарди«Петровци, Општина Боґда-новци и Месни одбор Пет-ровци. Значне повесц и то же тоташкола ма вельке значенє заРуснацох. Давного 1914. рокувибудовали ю праве Руснации нашлїднїца є першей рус-кей школи, котра з роботу уприватней хижи як подучио-на школи Нуштар почала ро-биц давного 1849. року. Нєшка петровска школа, якподручна, припада Ош АнтунБауер Вуковар. У нєй ше на-става одвива на горватскимязику. Од страних язикохуча ше анґлийски и нємецки.Од мацеринских язикох виу-чую ше руски и українскиязик и запровадзена наставакатолїцкей и православнейвиронауки. Жадаме нашей школи же бию вше крашело вельке числошколярох, а з єй двора од-гуковали радосни дзецинскигласи.

мр Илона Грецешин

100 РокИ ШкоЛИ У ПЕтРоВЦоХ

На будинку подручней школи у Петровцох положенапамятна табла

Свадзебни обичаї при Руснацох порихтали школярехтори ходза на годзини руского язика

Наймладши школяре першей класи привиталипублику на святочней програми

Яак то мило кед дзе-ци од малих ногохпестую тото цо су

и хто су, кед родичи свойодзеци уча слова на маце-ринским язику и кед да-кеди чуц дїдово припо-ведки. Вшелїяк, красне иискуство кед ше тоти дзе-ци можу зисц на истиммесце, дружиц ше, учицязик и писмо, танцовац ишпивац вєдно. Єдно одтаких местох то и Лєтнашкола.

Того року Лєтна школаРуснацох отримана у Ора-ховици. Од 9. по 16. юлий,младши школяре основ-ней школи мали нагодузоз своїма учителями лєп-ше упознац руски язик,културу и обичаї. При-шло83 школярох з рижних

местох – Петров-цох, Миклошевцох,Янковцох, Райово-го Села, Вуковару,Заґребу, а по пер-шираз пришли ишколяре зоз Пиш-куревцох. На по-чатку ше першеформовали триґрупи, школяреподзелєни завис-но о тим хто якпозна руски язик.То ґрупи А, Б иЦ. Ґрупа А, частоволана и почат-кова, ґрупа дзе школярествараю основни фондсловох, помали розвиваюбешеду и упознаваю шезоз руску азбуку. У ґрупиБ школяре утвердзую пис-мо и починаю робиц направопису. школяре котри

у ґрупи Ц уж добре познаюправопис и ґраматику рус-кого язику та самостойнознаю написац кратки тек-сти. Кажди дзень школяремали два годзини язикаи годзину култури и ли-тератури, потим два год-

зини музичней култу- ри, а пополадню фолклор,хор, спортски активносци,рисованє и вирабяли при-краски. Же би им радосцбула векша, дзеци ше по-поладню мали нагоду ку-пац у базену. Єден дзень

10

ЛЄТНА ШКОЛА

Лєтна ШкоЛа У оРаХоВИЦИ

Заєднїцки годзини шпиваня

VJENČIĆ ВЕНЧИК ВІНОЧОК 70/2014

Часц литературного вечара пошвеценого рускей поетеси за дзеци Ирини Гарди Ковачевич,

а з нагоди 70. рочнїци родзеня

Вилєт на озе

Шк

охабени за шейтанє поозеро. З оглядом жеим днї були виполнєтиз радосцу и рижнимаактивносцами, вечаритиж так требали закон-чиц весело. За то шенайчастейше постаралидва волонтерки з Чер-веного крижу котри ор-ґанизовали забавни ве-чари. Найупечатлївшиостали «Пиджама пар-ти», «Мис и Мистер Лєт-ней школи» и «Покажсвой талант». шицкимшерца були виполнєти зрадосцу. После забавнихвечарох, пришол шор ина литературни вечар.

Маюци на розуме же того року 70 -рочнїца народзеня Ирини Гарди Ко-вачевич, литературни вечар булпошвецени тей рускей писательки.Було видно же ше школяром попа-чели єй писнї бо барз крашнє ре-цитовали, шпивали и одбавелидрамску сличку.

Остатнї дзень була закончуюца про-грама - приредба, дзе до вираженянайбаржей пришли красни крочаїу танцох и весели гласи у писньох.шицко у шицким, робело ше и уче-ло, алє було и шмиху, забави, а наконцу, на розходзе, було видно жеу даєдним оку заблїсла и слиза.

Мануела Дудаш

11

Облюбена каждодньова розвага у завартим базену

Виберанє мис и мистера одмаралишта у шлєбодним

чаше –єден зоз змагательохУченє руских танцох

ЛЄТНА ШКОЛА


еро

коляре штреднєй ґрупи зоз учительку Лесю Мудри


ВИНКОВСКИ ЄШЕНї

На шветочним де-филеу «Дзецин-ских винковских

єшеньох» од 13. по 14 сеп-тембер 2014. на корих учас-твовали понад шейдзешат

културно уметнїцки друж-тва, участвовало и КУД«Яким Гарди» зоз Петров-цох котре ше уж тради-цийно зявює на тей най-векшей державней мани-

фестациї жридлового гор-ватского фолклору. Дзецимали нагоду упознац идруги жридлово ґрупи кот-ри участвовали на дефилеуяк и видзиц парадни конї

и кочи, а тиж так и мажу-реткинї. Дзеци були оду-шевени зоз винковску пуб-лику котра им през цалудрагу кляпкалa.

Звонко Костелник, проф.

У святочним дефилеу и наймладши Петровчанє

Заєднїцка фотоґрафия за памятку Наймладших членох КУД «Яким Гарди» зоз Петровцох надзецинских Винковских єшеньох провадзел и тамбуровиоркестер Дружтва

ДзЕЦИнскИ “ВИнкоВскИ єШЕнї”

Уодсуству лєва зволалдзиви заяц сход дзивихживотиньох у лєше.

– До моїх вельких ухох сциглидаскельо пригварки зоз валалуу сушедстве нашого лєса –гварел заяц на початку схода– a найчастейше на рахуноквовка и лїшки, хтори у остатнїчас селяном однєсли даскельобаранча и кури. Така роботамуши такой престац!Заяцово слова такой потри-мали єлень, дзива гуска и дзи-ва качка, котри нє єдза месо,а други животинї були цалком

нєзаинтересовани и нє гварелинїч. Похопели вовк и лїшкаже су у меншини, та вовк у їхмено на концу гварел так:– Добре, лїшка и я обецуємеже од нєшкайшого дня цалкомпреставаме зоз тоту и таку ро-боту!После тих вовкових словохзаяц задовольно завар сходживотиньох и вони ше спозатого розишли по лєше. ПОУКА: Вовк меня шерсц,алє свойо справйованє - нє!

Яким Пушкаш

ПИСАТЕЛЄ ВАм НАПИСАЛИ

13

сХоД ЖИВотИнЬоХ У ЛєШЕ

БаснИ за ДзЕЦИ И МЛаДЕЖ


КЛАЙБАС

Мойо мено школски клайбас,

мам новосци вельо за вас,

крашнє пишем заоштрени

од дзецох сом облюбени.

Пишем числа та и букви,

добре стоїм в каждей руки,

нє сцел бим вам дошпинтовац,

алє крашнє занам рисовац.

Цагам смуги и кривульки,

жадам щесца каждей души,

найгорше ше я чувтвуєм

кед през лєто нє дїйствуєм.

Любица Гаргай

СЛОН

ришел вон пойсц до дохтора,а тот дохтор роби вноцибо го през дзень боля очи.Муши найсц того дохторагваря же ше вола сова,злєкол ше же ше пошпоципо тей чарней, чарней ноци.

Алє боль нє попущалавше баржей болєла глава,помог му хробак швицациошвицел драгу лєтаци.Шмело станул пред дохторапознатим под меном сова.Главка швидко вилїчена,а боль цалком знїчтожена.

Любица Гаргай

ШКОЛЯРСКИ ОШМИХ

З ошмихом на твари, мили школяре,

швету пожадайце „Добре рано!”

Вец предлужце по истей драги,

одпочинути, нашмеяни.

Єден ошмих подаруйце слунку,

цо на посцелї каждому дзецку

поспани очка нїжно ласкотало

и нових рапухох до школи випровадзало.

Пред одходом побочкайце оца, мацер, брата,

шестричку,а дому принєшце нову, заслужену петичку.

Драгом ше ошмихуйце людзом

и швидкей птици цо нєбом лєци,

бо нїжни ошмих шицким мили,

тото найлєпше знаю дзеци.

З радосцу привитайце пайташох

на чистим прагу нового школского рока,

вєдно и зложно звладуйце спокуси,

бо пред вами драга длугока.

Прелєци вам чаривне дзецинство

як пчолка цо лєта з квета на квет,

прето у шерцох своїх чувайце

красни, дзецински швет.


14

зОз ШИцКИх БОКОх


Школа уж почала та и нови обо-вязки, алє дзецом у памяткохпрешли одпочивок ище шви-

жи, а члени дзецинскей танєчней ґрупиКУД а „Яким Ґовля” з Миклошевцохбуду паметац лєто по двох госцованьоху Войводини. На поволанку КПД а „Кар-пати” з Вербасу, 18. юния у тим городзеотримани 5. Дзецински фестивал „При-вит лєту” на котрим перши раз учас-твовали Миклошевчанє. У привитнимслове др Деян Загорянски, предсидательДружтва, гварел же Фестивал нагодаже би дзеци указали цо научели презрок и на тот способ привитали лєто.Програма була зложена зоз рецитацийох,писньочкох, танцох и виривки драмскейслички котри дзеци на змену виводзели,же би на концу програми шицки вєдноодшпивали „Царство–товаришство”.

Водителька танєчней секциї Ирена Ску-бан уручела подзекованє водительовигосцох Желькови Лїкарови на сотруд-нїцтву. После концерту дзеци ше дру-жели и остварели нови приятельства,та нєсцерпезлїво обчековали нове стрет-нуце идуцого тижня у Руским Керестурена 46. „Червеним пупчецу”. Музично–танєчна манифестация отри-мана 27. юния у рамикох 53. Фестивалурускей култури „Червена ружа”. Предчислену публику у дворе Основней иштреднєй школи „Петро Кузмяк” ви-ведзени 10 нови композициї за дзеци, апо думаню фахового жирия першу на-граду достала писня „Коцки”, авторамузики Юлияна Рамача, а на текст Ме-ланиї Римар, хтору шпивала ЕлеонораДудаш з Р. Керестура. Другонаградзенабула композиция „Школска любов” ком-

позиторки Маґдалени Горняк–Лелас,на текст Леони Тиркайла, а у виводзенюКатарини Кочиш з Нового Саду. Трецеместо припадло комплетней авторкиТанити Ходак за писню „Дзецинскисовит” хтору шпивали Дарина Михняк,Катарина Кулич, Михаел Скубан и Мар-ко Буила з Коцура, зоз дзецинскимхором КУД а „ Жатва”. У другей часци свою творчосц указалируски дзецински ансамбли зоз Дюр-дьова, Руского Керестура, Бикич Долу,Вербасу, Нового Орахова, Шиду, Коцура.Дзецинска ґрупа КУД а „Яким Ґовля”наступела уж штварти рок за шором,так же ше на бини чувствовали як домаи успишно одтанцовали „На Белилу” ухореоґрафиї Желька Лїкара. Скорей на-ступу дзеци нащивели шедзиско На-ционалного совиту Руснацох дзе ихприяли предсидатель Совиту СлавкоРац и член Михайло Зазуляк. Бешедо-вало ше о можлївоцсох предлуженяшколованя у Ґимназиї у Руским Керес-туре и на рускей катедри у Новим Садзе,о прешлосци Руснацох на тих просторох,як и потреби сотрудзованя у рижнихчасцох на заєднїцки хасен. Дзеци надарунок достали прикладнїки виданьохНВУ „Руске слово” – новини, часописии кнїжки за дзеци. Предсидатель КУД а„Яким Ґовля” домашнїм подаровал дас-кельо прикладнїки моноґрафиї ДюриЛїкара „Жвератко нашей младосци”котра нєдавно вишла з друку. Госципорозпатрали музейну збирку, а затри-мали ше на уходзе до Замку и вислико-вали при бисти Гавриїла Костельника,та дознали велї податки о його живоцеод члена Совиту и новинара МихайлаЗазуляка.


ПРИВИт ЛєтУ И чЕРВЕнЕ ПУПчЕПаМЯткИ на ГосЦоВанЯ

Скорей наступу на «Червеним пупчецу» у Руским Керестуре

На 6. Дзецинским стретнуцу у Вербаше Памятка опрез бисти Гавриїла Костельника

15

зОз ШИцКИх БОКОх

УОсиєку, од 25. по 30.авґуст 2014. року, от-римана 10. «Жем без

гранїцох».

«Жем без гранїцох», то мед-зинародни културни фес-тивал за дзеци и младихкотри Здруженє за роботуз младима «Бреза» успишноорґанизує од 2004.року, аза циль ма порушовац креа-тивносц и творительствопри дзецох и младих, а ук-лючени и дзеци з окремни-ма потребами.

Роботнї, котри ше през тид-зень днї одвиваю на рижнихлокацийох у Осиєку, зазбе-рую дзеци од 8 по 14, та од14 по 18 роки. Волонтере котри водза креа-тивни роботнї приходза зозрижних жемох, а того рокубули зоз Буркини Фасо,

Словениї и Шпаниї. Най-вецей их було з Горвтаскей,а медзи нїма найчисленшиз Осиєку.

Мото тогорочней «Жемибез гранїцох» бул – жемдиха. През скоро 30 роботнїрижних профилох, прешловецей тисячи дзеци.

Могло ше ту научиц ходзицна караґульох, вожиц мо-ноцикл, правиц скулптуризоз слами, з рециклираногопаперу лєбо од писку, гонїцракету зоз компримиранимвоздухом, жонґлирац, дуцфарбу по паперу котра знацикаво нєсподзивац малихподобових креативцох. Булои модерного танцу за дакусвекших, алє и популарни«панкоур», рушанє презпростор з окремнима тех-нїками прескакованя преп-реченьох и находзеня най-швидшого сцигованя од точ-ки А по точку Б.

Закончуюци вечар зпочалз отвераньом задуманихвельких дзверох цо означелзвук ґонґу, а музично -сценски спектакл у осєцкимДрвенґраду (парку за дзе-ци), провадзело и у нїмучаствовало вецей тисячинащивительох и дзецох.

Агнетка БалатинацФото: А.Балатинац

«ЖЕМ БЕз ГРанїЦоХ»- сон ПостаВа стВаРносЦ


ПШИЧОК БУБИ

Мой пшичок Бубибарз бежац люби!Бежи за нашу качкуи сушедову мачку.

Бежи по пажиции цудзей кукурици!Бежи барз швидко, як у валалє нїхто!

Мой пшичок Бубивельо того погуби!Лєм дакеди нє бежи,алє у хижочки лєжи!


ЖЕМ

Поведз Мижу чи то правдаже Жем така яґод лабда?Округла и мальована,З лєсом, з воду нацифрана.

Кед ю патриш зоз Вселєнилєси на нєй вше желєни.А озера, моря, рикибелави як нєба слики.

Полюбел ю чловек каждикед Бог дал нам дом зачасни.Люб ю и ти сину милии охранюй од злей сили.

Агнетка Балатинац

Правенє скулптурох зоз писку

Фраґмет з роботнї дзе ше дує фарба по паперу

Благослов петровских школярох на початку школского2014./15. року

16

зОз ЖИВОТА ШКОЛЯРОх

ПОГЛЄДАЙЦЕ ЦУДЗИ СЛОВАУ шлїдуюцих дзевец виреченьох єстдвацец три цудзи слова. Пробуйце ихпренайсц.

- нєшка зме у школи учели заменици,нє таке то баш чежеке;- мушел сом бежац през ходник жебим нє закашнєл на наставу, та сом шена углє сударел зоз Марком;- мац ми гварела же кед будзем савесниу ученю, вец зохабим и красни утисак

на учительку;- Вранско єзеро найвекше у нашейжеми, воду достава зоз даскелїх изворохи потоку Скоробич, водостай му презрок просечни од 0,95 по 2 м;- тота шала ци нє на част;- понеже сом тетку спревднул уж вельораз, вецей нє ма до мнє повереня;- вчера сом зоз оцом патрел хокей наледу и видзел прекрасни поґодки доґолу;

- пред хотелом у Заґребе було вельоцрнцох зоз Африки;- найлєпше ци пиц домачи соки бо суанї кус нє штетни за орґанизам;

Зоглядом же початокшколярского року у Р.Горватскей пре тирва-

нє туристичней сезони булпоцагнути за 08. септембер,благослов школярох бул унєдзельовей Служби Бо-жей07. септембра. На са-мим початку Служби од-шпивани „Царю нєбесний“а вец далєй по уставу бо-гослуженя одслужени свя-точни чин благослову „на

училище грядущим“ - дзецохкотри рушаю до школи. Бла-гослов дзецох окончел мрсц. Владимир Седлак, парохпетровски, а зоз нїм сослу-жовал нововербаски парохо. Зиновий Вовк. У меношколи на Служби була при-сутна и водителька подруч-ней школи у Петровцох панїМелана Дюдяр.

o. Владимир Седлак

Початок школи

Рушела сом до пиятей класи, до Матичней школи уЧаковцох. шицко ми нове и барз интересантне.Класна нам ше вола Динка и видзи ше ми же є

барз добра. Упрознала сом велїх нових учительох и па-йташох. Перши дзень школи бул нам покус чудни, бо змемали Кирбай та зме понагляли цо скорей дому.Старши пайташе гваря же то так лєм перши днї, а потимше будземе лапац за главу од ученя и бриґох. Алє яверим же ми будзе крашнє у новей школи .

Анамария Мудри, 5. класаМиклошевци

Два торби

На початку школского року родичи Мижови купелинову торбу. Мижо ю длуго розпатрал, закукнул докаждей кишенки, ношел ю на хрибце, а вец ю од-

ложел до своєй хижи, до кута дзе стала його стараторба. Позно вечар кед Мижо пошол спац, стара и новаторба почали бешедовац. – Добри вечар – бояжлїво ше озвала нова торба ґу

старей. – Я ту ище нова, та вельо того нє знам. Виприпо-ведай ми яки мой ґазда. – ша добри тот Мижо и углавним крашнє ше зо мну спра-вовал. Видзиш же ище вше добре випатрам, кишенки миище вше цали и досц сом чиста. Алє були хвильки кед меМижо нє сановал – розлївал по мнє сок, а знал у кишенкохохабиц и остатки од єдзеня. Алє тераз цо є старши, вшелєпше меркує на свойо ствари, та думам же ци будзедобри ґазда.Два торби ище длуго бешедовали о своїх торбовскихстварох док Мижо мирно спал.

Кристиан Мудри, 3. класаМиклошевци.


1 – заменица – заменовнїк; 2 – ходник – конк; закашнїц – запожнїц; судариц – збиц; 3 – савесни – совисни; утисак – упечаток;4 – Вранско єзеро – Вранске озеро; извор – жридло; во-достай – водостой; просечни – просекови;5 – шала – франта; част – чесц;6 – татка – нина; поверенє – довириє;7 – хокей – гокей; лед – ляд; поґодки – потрафеня;8 – хотел – готел; црнци – ниґере;9 – домачи – домашнї; штетни – чкодлїви; орґанизам –орґанизем;

БЛАГОСЛОВ ШКОЛЯРОХ У ПЕТРОВцОХ

17

ШКОЛЯРЕ СОТРУДНїКИ

Єшень

Кед спаднє перши лїсток з древаи витор го ноши по валалє,знам: приблїжує ше єшень.

Кед зреє сладке грозно,а яблука на слунку грею червенибоки,знам: приблїжує ше єшень

Кед чуєм дурканє дижджу по об-лаку,а вонка видзим як шейтаю цифро-вани амрели,знам: приблїжує ше єшень.Кед бишалма запахнє так моцноже ци ше у глави закруци,знам: приблїжує ше єшень.Кед школяре до торбох пакуюкнїжки и текишицки знаме: пришла школа!

Сабина Ждиняк, 6. класаМиклошевци

Моя Лєтна школа

Того року сом по други раз була наЛєтней школи, алє того року мибуло лєпше. Були зме на озеру,єдли сладоляд и купали ше. Каждидзень идземе до дутяну. Тото одпо-чивалїще барз ше ми пачи претоже є барз крашнє пошорене. Каж-дого дня идземе на базен и тамзме єдну годзину. Придзем и иду-цого року прето же ми ту таккрашнє.

Анамария Лїкар, 10 роки, Миклошевци

Лєтна школа

Зоз тей Лєтней школи нїґда нє за-будзем виберанє за мис готелаМеркур, ту у Ораховици.Щешлїва сом бо моя пайташка по-бедзела. Вона мала барз краснусукню и була барез крашнє на-шминкана. Єй сукня була целова имала чарни болеро.

Дария Рац, 10 роки,Петровци

* * *

На Лєтней школи ше шицкого слу-човало, було ту шмиху и слизох, адаєдни сцели пойсц дому. Я нє ду-мала на дом бо ми ту було крашнє.Барз ше ми пачело же ше можемекупац на базену и кед пада дижджи кед слунковито. Кед ми допитовидзем вонка и рисуєм квеце,хижки и древа. Кажди вечар одосем годзин пририхтую нам за-бави.

Лара Црнкович, 10 роки,Стари Янковци

Перши дзень у Лєтней школи

Барз сом чекала же бим пришлана Лєтну школу. Кед зме сциглиприповедали зме и упознали ше.Пришол и єден чловек котри нампотолковал кеди шмеме исц набазен и як ше там требаме справо-вац. Барз нам було крашнє кед змеше бавели у базену и мали свойшлєбодни час.

Ксения Пап, 8 роки,Миклошевци

* * *Опитал ше Миронь учительки чиЦихи океан вше цихо, а учителькаше му пита – Миронє, нє можешпоставиц дурнєйше питанє?Миорнь одповед же може бо Мер-тве морйо мертве.

Бланка Бучко, 8. роки,Петровци

Дожице зоз Лєтней школи

Єдного дня ишли зме на озеро. Гочбуло похмарено, перше зме змач-кали ноги, а вец зме ше и купали ибавели. Кед зме ше врацали почалдиждж, таки змокнути зме ше вра-цели до одпочивалїща, а вец змеше предлужели купац у безену.

Михал Ґрищук, 9 роки,Петровци

Драга на озеро

Вчера кед сом ше зобудзел барзше ми нє ишло на озеро. Гуторелсом же ше ми ище шпи, алє змешицки мушели исц. Длуго зме ход-зели и конєчно сцигли. Даєдни шекупали, а даєдни пили сок и єдлисладоляд. Нараз почал диждж ими ше поскривали, а кед престалпадац рушели зме до школи, алєнас заш лапел, та зме змокнутипришли назад до одпочивалїща.

Кристиан Мудри, 8 роки,Миклошевци

* * *

Дружтва єст зоз шицких бокох, єстнас зоз Янковцох, Миклошевцох,Петровцох, Заґребу... Ту нас єст именших и векших, старших и млад-ших, вшелїяких. Медзитим, шицкисупер и най таки и останю. Ищевельо того ше ми пачело на Лєт-ней школи, алє найбаржей ше мипачи тото же зме зоз шицких бокохи находзиме ше ту раз рочнє, авец тоти дожица паметаме и че-каме же би змеше знова зишли.

Юлия Любица Королев, 11 роки,Сримски Лази

Найинтересантнєйше дожице

Того року сом перши раз на Лаєт-ней школи. Найвецей любим жеше идземе шейтац. Ту ище скоронїкого нє познам, у нашей хижимаме два пайташки зоз Нових Ян-ковцох. Зоз нїма нам кус веселшебо су таки добри и занимлїви. Каж-дого дня по ставаню и фриштикуходзиме на наставу, после наставимаме хор, а вец полуднюєме. По-поладню маме шлєбодну годзину,а вец идземе на базени. Кед шенакупаме вец идземе танцовац.Ту ше ми барз пачи и сцела бимзнова присц на Лєтну школу.

Сабина Ждиняк, 12 роки,Миклошевци



зAБAВНИ БОК

Мудри виреченя о школи и ученю:- и учиц треба научиц;- нє учиме за школу, алє за себе;- знанє то богатсво хторе власнїкавшадзи провадзи;- лєпше знац подацо о велїх стварох, яквельо лєм о єдней ствари;

- маєток вредзи вельо, алє знанє вельовецей. Кед же маєток препаднє, знанєостава занавше; - цо глава мудрейша, то хрибту лєг-чейше:- гевто цо чловек научи вода нє можеоднєсц, анї огень спалїц;

- дайце чловекови рибу и накармице гоза єден дзень, алє кед го научице лапацриби – накармели сце го за цали живот.

*Коренє ученя горке, алє плоди сладки.( Аристотел )

Пририхтала Любица Гаргай

МАЛА ГАНЧА БАРЗ ВЕЛЬКАСКУПЕНДАУчителька: Ганчо, маш пейц яблука, ая це замодлїм же биш ми дала два,кельо ци вец яблука на концу останє?Ганча: Пейц яблука!

ПИСАНЄ ПО ЦМОТИПетрo: Оцец, кед би требало, нє дайБоже такей нужди, писац по цмоти,чи биш могол окончиц таке дацо?Оцец: Нє знам, озда бим могол!Прецо ше питаш?Петро: Прето же учителька послалаякиш папер котри биш требалподписац, алє пре мир у нашейфамелиї я думам же би то булонайлєпше окончиц по цмоти!

НА ГОДЗИНИ ПРИРОДИ И ДРУЖТВАУчитель: Иринко, модлїм це же бишначишлєла пейц домашнї животинї!Иринка: Кура, качка,швиня, конь ипес!Учитель: Точно! А тераз начишлї пейцдзиви жвири!Иринка: Медведз, вовк и...и...трилїшки!

ЯК РАХУЄ СКУПЕНДА ГАНЧА Учителька: Кед же маш два яблука, ая ци дам ище три, кельо вкупнобудзеш мац яблука?Ганча: Перше ми дайце тоти трияблука, котри сце первей спомли, а явам потим повем точни одвит!

НА ГОДЗИНИ ВИРОНАУКИ– Бог ше находзи вшадзи коло нас, чинє, мили дзеци?! – гваривироучителька.– Нє, Бог ше находзи у нашейкупальнї! – гвари зоз прешвечлївимгласом Яни.– Як то думаш? – нє може шеначудовац вироучителька.– Крашнє! Кед моя мац додня рановойдзе до купальнї и длуго нєвиходзи, а оцови ше барз понагля нароботу, вец вон дурка по замкнутихкупальньових дзверох и кричи: „О,Боже, кеди уж раз видзеш зоз тейкупальнї?“


ШКОЛЯРСКИ ГУМОР

ПОДОБОВО РОБОТИ

Весели рисунки на тогорочней Лєтней школи у Ораховици

Documents

Vjenčić ВенВенчик - Savez Rusinaп ол удз енк шр м боюутр езньш иц кхч ал н овб яз к.Я с рей-ш их рок , … анзт еп