Łino Saciłotto
muxaicista de San Marco
ne ła miłenaria Tera deł Popoeo Veneto
nasudo a Jesoło (Ve) neł 1946
da Łuigi (Jietto) e Scałdełai Rosa (Teresina)
Jesolo / Meledo - Veneto - Europa
2
Łino Saciłotto
I ga scrito de łu:
Un artista jesoean eł vinse un premio nasionał.
Un musaicista jesoean eł gà vint eł primo premio a ła Mostra Naxionae de Arti Figurative, svołta de recente a
Taranto, organisada dał Ministero de ła Pubłica Istruzion e da ła Marina Miitar Tałiana. Se trata deł jovine Łino
Saciłotto che eł a debutà neł mondo artistico co na soła opara, intitoeada “MADONNA GIOVINETTA”, xà trasmetuda
neł programa TV naxionał. I concorenti i gera 52. Łino Saciłotto, ł‟è nasudo e eł abita a Jesoło, eł a 22 ani, Ał
xovane artista jesoean i auguri e a feisità de “Ła Voce de Jesoło”
Virgiłio Martini - 1967
A perfeta conposixion musiva ła è formada in una precisa łinea cołoristica in cui a sintesi ła è forma costrutiva. I
mosaici de Łino Saciłotto no i è mai puramente formałi: gnanca cuando i ripete o temi de a pitura tradesionał,
come a notevoe Madona quatrocentesca. Eł usa na interpretaxion personae e cuindi „na interpretaxion tecnica
personae che ła fa de sti łaori opara de un atento e parfeto studeo.
Łiłiana Muti - Gałeria Internazionae - Jesoło 1969
Miłan, majo 1979
Ł‟artista ł‟è un artigian co na vision superior. Ben poche vołte ho podest constatarlo de persona come a pasada
setimana in un veramente picoeo studeo-oficina a ła ombra de ła Madonina. Mi o seguìo Łino Saciłotto ne a
progetasion e esecusion de un so łaoro.Na roba unica come se posa creare una opara da una miscea de tessère de
tanti coeòri.
Łè un spetacoeo maravejoso, che eł te łassa un ricordo che no se poł cancełar. I so cuadri a moxaico, disèmoło
pur, non o lè come i cuadri a ojo, che i permete coresion par far eł coeòr pì forte, e che i poł anca esar rifati in
poco tenpo. Nei so cuadri invense se poł fare soł queł che ł‟artista eł gaveva in testa prima de scuminsiar, un poc
come ł‟acquareło per capirse. Da un disegno senpplice fato ne ła toła de egno, eł ghe mete sora deł xemento e
dopo e tessère de moxaico, una a ła vołta a man. Squasi tute e tessère e vien tajade ne ła forma che necesita. E
tessère, na vołta inserie neł xemento, e resterà senpre neł so cołor originario e ne la posisiòn e inclinasion voluda..
A tecnica de Łino Saciłotto ła è compłetamente nova neł so genere. Ł‟è stat eł primo a separar łe robe cràe da
ł‟omo, da e robe creàe da Dio. E prime a moxaico, e e seconde a xemento cołorà, creando „na tecnica mista
indovinada a giudicar dai risułtati. Na tecnica che porta i so cuadri a un ałto łiveło poetico. I quadri costruii in
cuesto modo łi è mołto pi vixini a ła reałtà, anca parchè no ł‟è mai stat vist un çieło, un mar o ła tera a “quadreti”.
E so caxe łe è viste a łe prime łuci de ł‟ałba, cuando tuto ł‟è siensio, quando a poesia a regna da parona.
Pur vivendo neł gran caos de Miłan, no eł se a łigà a łe mode deł momento, dai guadagni facii, ma ł‟è riusio
finora, no soło a starne fora, ma a propor un so stiłe compłetamente personae che eł porta avanti dał 1972.
1979 Teo Terrabruna - Miłano
…..infin e tèssere musive deł maestro Łino Saciłotto, xa ałievo de ła scoła de Spiłimbergo, e ades operator aprezaà
e richiesto per łavori in cattedrałi gotiche in paesi deł Nord Europa, hanno dato ałła mostra queł tanto de arte
cłassica impegnata, deficiłmente riscontrabie in una rasegna - pur quałificata – de artigianato łocae. 1979 Ił Gazzettino
3
Un gran musaicista de novo tra noałtri.
Ł‟è tornà a łavorar ne ła nostra Tera Veneta Łino Saciłotto, reduce da un decennio de “esiłio” a Miłan. Ałievo e
cołaborator da circa un decenio deł pì grando musaicista vivente, eł Maestro Pietro Cantù, eł a savudo stacarse da
ła so łinea artistica e crearne una propria che ghe a permeso eł vivo interesamento dei critici, e ł‟enorme maraveja
che sùsita łe so opere tra ła xente. Eł poł, co‟ ła stesa granda sicuresa costruir ritrati ronpendo i sasi de ła Piave e
trasformarłi in picoe pierete, anca de sołtanto 2 miimetri de łato, o eseguir enormi decoraxion in moschee. Eł
preferise però trasportare nei so quadri ł‟imagine de campiełłi ed angołi caratteristici de Venexia, o anca e vechie
caxe de canpagna dei nostri pari. Na tecnica mista cueła sua, nova, esendo stato eł primo a ełiminare e tèssere
musive da i ciełi e da ł‟acqua nei paesagi. Na tecnica che porta i so quadri, pur ne ła dureza de łe tèssere musive, a
un ałto vałor poetico.
1980 Ił Gazzettino
Jesoło - Un artista de casa nostra “ma de fama mondieae”
Łino Saciłotto, fiòł de un nostro cołaborator Łuigi, nàse a Jesoło in teł 1946 e fa i so studi a Spiłimbergo. Ł‟è stat
ałievo deł pitor Fred Pittino, de Severo Giacomełło e de Nane Zavagno, otenendo senpre a borsa de studio.
Neł 1965 eł so primo paneł in moxaico ne ła so casa-pinacoteca, dimostrando ai critici un naturae tałento. Neł
1968 partecipa ał concorso Nazionae de Taranto, trasmes in TV, e vince ił !° premio con “Madonna giovinetta”.
Dał 1969 ał 1972 soto a guida deł presidente Virgiłio Guidi, a gałeria “Jesułum” ghe asegna senpre ił 1° premio
par ła so opera de muxaicista. Neł 1979 ałestise „na personae / antołogica a ła Mostra Artigianato de Jesoło,
otegnendo consensi de critica e pubłico.
Dał 1972 Łino se è trasferio a Miłan, deventando diretore ne ła dita che łavorava, e cołaborando coł pi grando
mosaicista vivente, eł maestro Piero Cantù.
Eł a cołabora a decoraxione de chiese, moschee, ałberghi, viłe e piscine.
Tra e opere ricordemo: Miłan – ciesa de San Apołinare e Madona dełła Providenza (700 e 1200 mq. Virginia
(U:S:A) Abside dełła chiesa de San Pietro e Paoło. Kotakinabału (Maesia) moschea (1200 mq) Amman
moschea (700 mq) Łagos Nigeria – decorazione deł Teatro Nazionae (250 mq) Zaire ritratto deł presidente
Mobutu (mt. 4 x 5) Diseme un poc vałtri se no łè da esar orgołiosi de aver un Artista de questo całibro tra i
nostri compaesani deł Baso Piave!
Auguri Łino de sempre magiori sucesi.
Tutti i łetori de ł‟ARCOBAENO te son visini.
…‟na parsona che dovària espor in tut eł mondo. I so cuadri i è “rivoeusionari” neł canpo deł moxaico. Tajando e
tèssere mołto picoe, ha savù portar i decori a moxaico, da łe “ciese” a łe caxe…..
1980 Tschurtschenthaer Josef -Wien
Quasi un ventenio de vita visuda par ł‟Arte Musiva, i a fat de Łino Saciłotto un dei pì apresài Maestri atuałmente
soł mercà mondiae. Pur esendo tant ocupà neł so inpegno a ła direxion deł łaboratorio artistico ne ła pì granda
fabrica de mosaico esistente: Vetricołor., no perde ocasion de poder divułgar ł‟Arte deł Moxaico.
1982 Mesaggero Veneto
… na persona che no ama meterse in mostra, preferise łavorar e crear opere uniche ed iripetibii. Riese a reałizar
cuadri a moxaico usando diferenti materiai e a vołte mescołandoi tra łori. Una base in egno mułtistrato, un schizo,
xemento e dopo via a ła decoraxion co tèssere de marmo, de vero o smałti. Quadri a moxaico che risułtano łegeri,
ma incisivi. Cristi dał vołto serio e triste, a do cołori, che poł trovar na łoro cołocaxion sia in „na casa che a
ł‟aperto. Sono Cristi che “i ga pianto”, e trasmete emozioni forti.
2006 John Foster – New York
Crear opare d‟arte in moxaico mantien xovane eł spirito e eł corpo? Ho conosù Saciłotto, e vèvo conosudo cuałche
anno fa eł so Maestro Piero Cantù. Do persone spendide che e a savù gestir a so vita e viverła co senpłicità e tant
łavoro. I sa trasmeter sentimenti con łe “frede” tèssere de moxaico, in cuadri, in tavołini, in scułture. Saciłotto
preferise imagini de Venexia e de vecie caxe de ła canpagna Veneta in stato de abandono. Veramente particołari łi
è i so Cristi che trasmeten sentimenti, ił tut co do-o tre coeori, mentre i sò segni zodiacai łi è veramente preziosi
moderni e spaziałi. Insomma debbo dir che son restà afascinà dał moxaico de cuesto artista e de łe tante
inovaxion.
2008 Pietro Sartori
4
2009
- Łino Saciłotto ł‟è un artista de indovinatisima tècnica mista, inovativa neł so genere, che porta i so quadri a un
ałto łivèo poetico. Partindo dał so studio-łaboratorio a ł‟onbra de „a Madonina, par continuar a Mełedo de Sarego
(VI) dove eł sta de casa. Łino Saciłotto sta dando sfogo ał so inpegno artistico cołłaborando a decorasion de cese,
moschee, vie e pissine, łasando eł segno con a sequensa de òpare personài in giro pa „ł mondo, co łavori e mostre
in Itałia, riportando autorevoi consensi e premi de sucesso. -
2010 - Guido De Nobiłi su Quatro Ciacoe
A volte el caso el juta ne le scoperte, come quea de entrar in una casa de Meledo e restar incantai dai mosaici,
come se se entrase in „na basilica o in „na moschea. Dopo conosendo chi ghe vive, se capise parché... Lino
Sacilotto, rassa Piave, fiol de Luigi, un grando poeta e scritor veneto, e, come lue el se definise, “Mosaicista de
San Marco ne la milenaria Tera del Popoeo Veneto”.
2010 – Stefano Zampieri – IL BASSO VICENTINO
5
Storia
Nasù a Jesoło neł 1946, i sò primi insegnamenti łi a vudi da ła maestra
Rosita Gułino de Pirano - Istria.
Camerier par mantegnerse fin da ł‟età
de 12 ani, si perfezionò ne ła łengua
tedesca. Neł 1966 ł‟è entrà in Marina
Miitar come miłitar de łeva e deventa
radarista ne ła canoniera Fołgore,
dove eł primo anno vinse ił 2° premio
come radarista ne łe batałie dełła
NATO. Eł secondo anno invese ł‟è riusio a vinsare eł 1° premio, riusendo a
sconfiggere nełe batałie, anca na portaerei mericana. Eł radar iera deł ła dita
SEŁENIA de Firense. Dopo un anno, tute e navi da guera mericane e gavea cueł tipo de radar.
Neł 1964 scuminsiò eł so percorso artistico a Spiłimbergo, ałievo deł pittore F. Pittino, de Severo Giacomełło, e de
Nane Zavagno, otegnendo ogni ano a borsa de studio.
1965 eł primo grando paneło a moxaico, che presente eł ritorno dei
ebrei ne ła tera promesa.
Attuałmente ł‟è ne ła parete esterna dea so casa nadae de Jesoło
ESPOSIZIONI E CONCORSI
1968 concorso Naxionał de Taranto trasmes in TV esistea sołtanto Rai 1
1° premio co “madona jovineta” in pare eł disegno deł pitor C. Crivełłi
1969 Jesoło - 1° premio - Gałł. Jesułum - medaja deoro par ił moxaico –
pres. Virgiłio Guidi Centro Cułtura Internasionae Gałeria Jesułum 1968
1970 Jesoło - 1° premio – Gałł. Jesułum - medaja de argento par ił moxaico – pres Virgiłio Guidi
1971 Jesoło - 1° premio – Gałł. Jesułum - medaja de oro par ił moxaico –pres. Virgiłio Guidi
1972 Jesoło - 1° premio – Gałł. Jesułum – marengo de argento par eł moxaico, pres. Virgiłio Guidi
1972 Eracea –medaja de argento “Conchigłia d‟oro” Cav. Pasti
1973 Jesoło - 3° premio – “Gałł. Jesułum” per ła scułtura – pres. Virgiłio Guidi
1979 Miłano - mostra mercato in strada – // -150 pittori – 3000 opere
1979 Jesoło – Personae/Antołogica ałła Mostra Artigianato Jesołano
1979 Miłano – concorso “Biscione” - Coppa Regione Veneto
1980 Miłano - mostra mercato in strada – // -150 pittori – 3000 opere
1980 Jesoło – Personae - Mostra artigianato Jesołano
1980 Miłano – concorso “Biscione” - Coppa Regione Veneto
1980 Jesoło – Personae Mostra artigianato Jesołano
2008 Schio -.Personae zodeaco e divułgasion Arte del mosaico
2009 Jesoło – Personae Zodeaco e divugazion Arte deł moxaico
2009 Tezze suł Brenta – Personae
2010 Jesoło – febbraio – Personae
2010 Jesoło – giugno – Personae
2010 Ałte Ceccato – cołettiva
2010 Marano Vicentino – personae
2010 Schio – Personae
2010 Jesoło – setenbre - personae
2011 Jesolo – marzo - personae
2011 Sarego –antologica personae
2011 Jesolo – personal - zodiaco
Storia dełł’ Antico Testamento ne ła casa-pinacoteca de Jesoło Paese cm. 200x160 Bibbia –Israee
cm. 200 x 160 spessore 3 centimetri
6
Jesoło – mostra artigianato 1979
Jesoło – mostra artigianato 1981
Neł 1970 Łino Saciłotto se a trasferio a Miłan, e no eł a vudo mołto tenpo par łe mostre. In pochi mesi łè deventà
cołaborator deł pi grando musaicista-artista deł mondo, PIERO CANTU‟ neł so studio-łaboratorio a Corsico, ne
ł‟interłand de Miłan. Qua sora a sinistra, un‟imagine deł łaboratorio, dove eł łavoro iera tant e no esitea orari. Ła
gera na guera continua con e consegne e con i ordeni da spedir in tuto eł mondo.
Moxaico su comision de Ałigi
Sassu per ła chiesa de Nostra
Signora deł Carmine a Cagłiari,
eseguio neł łaboratorio de
Corsico
7
.Diversi łavori in ciese, tra cui do neł hinterłand miłanese:
Miłano - Abside Chiesa de San Apołłinare – Baggio m2 1200
Miłano – abside e pareti. Chiesa a Quinto Romano m2 700
Mołtisimi i łavori in edifici rełigiosi e pubbłici, in ałberghi, viłe,
pisine, banche, fontane,
ximiteri, caxe, ecc. Cuesto in ogni parte de ła tera.
a fianco una casa de ła Brianza.
Un esempio, eł grando moxaico che rapresenta „na storia de oriente, ne łe
dimension metri 14 x 7
Mołti i łavori per decori in moschee, ma sołtanto in una podemo dir de avere fat veramente tanto, queła de
Kotakinabału in Małesia
State Secretariate Buiłdeng, Sham Ałam, Sełangor, West Małaysia,
Mausoeum, studio e canpionatura.
State Secretariate Buiłdeng, Sham Ałam, Sełangor,
West Małaysia,
Mausoeum, studio e
canpionatura.
Saciłotto, revisor atento de łe scrite coraniche, dipinte da esperti całigrafi arabi de cui eł musaicista łè fedee
riprodutor.
8
Małaysia – Kotakinabału - Progettazione ed esecuzione ałła Mosaici Cantù deł più grande łampadario deł mondo
per ła moschea (28.000 pezzi de cristałło de Boemia, 800 łampade, una circonferensa de çirca 20 metri e un peso
de pì de 4 tonełate). „Na particołarità: i cristałi i iera divisi in 120 błochi, par poderłi faciłmente togłierłi e łavarłi.
Na foto dełła sua costrusione a Miłano, e una ne ła so sede definitiva, ła nuova moschea de Kotakinabału.
Małaysia – Kotakinabału – progettazione con Piero Cantù e esecusion de ła cupoła dea moschea de Kotakinabału,
eseguia in esagoni de acciaio inox, con isołante termico naturae ( sughero ) ał łoro interno e con decoro
a moxaico, de cui una notevoe parte sono in oro. m2 970
Centinaia e centinaia de metri de scritte coraniche a ł‟esterno e a ł‟interno de ła nova moschea de Kotakinabału.
A ł‟esterno, ne ła parte ałta, e coeone contien scrite koraniche de ałtezza 60 cm. .
A ł‟interno do grandi scrite ałte 90 e 110 cm., e circonda tuta a cupoła.
1980 - a moschea de Ginevra con decori a moxaico neł sofito neł Centro Isłamico, e eł grando łanpadario centrae
de forma otagonae, in cristałło de Venezia, de circa 7 metri de deametro, tanto grande da poter farsei anche una
foto ał suo interno. In Piede: Cantù Carło, arch. .., e sotto Łino Saciłotto
1980 - Svissera - Ginevra - Decoraxioni neł xentro Isłamico m2 550
moschea Asma – Ał Khuwair, Muscat, Oman
9
.1977 un gran paneł “Cavai ał mar”, in Łibia ał circoeo uficiai a Bengasi. m² 30.
.1980 foto particolar de „na pisina a Ginevra,
decorada sia eł fondo che e pareti
par un principe dei Emirati Arabi..
Zaire – ritrato presidente Mobutu
m. 4 x 5 ła reałe dimension deł paneł ła se poł capir de pì
vardando a persona in bas a manca , e a persona a destra in
bas a dritra.
10
Nigeria - panei decorativi ał
Teatro Naxionae de Łagos
m2 350
1980 - 2006
entra a ła BISAZZA de Ałte Ceccato (Vicenza)
da Miłano, neł 1980 quae esperto de moschee,
preparando i studi e seguendo dopo
ł‟esecuzione deł moxaico, ne ła fiłiae BISAZZA
de Spiłimbergo (Pordenone).
Eł so primo łaoro łè stata a costruxion de un
grande paneł che rapresenta Piazza San Marco
a Venexia, un paneł de metri. 6 x 2,3 da un
studio de Piero Cantù, diviso in 4 parte par eł
trasporto in fiere A tecnica iera conputerizata,
con e tèssere 20x20 tutte in diagonae. Unica roba: non esistea in fabrica un conputer che eł podese iutar..
Esistea in comercio eł mitico Comodore 64.
Cołaborà a studi par decoro moschee.
R.G.O. Mosque Seeb, Oma
moschea Nakła Muscat Oman .
moschea Asma – Ał Khuwair, Muscat, Oman
moschea “Hassan II” in Marocco a Casabłanca, par a parte esterna neł decoro
modułare qua soto a destra, par ł‟inserimento in sagome de pesantisimo
marmo, ł‟oro, „na miscea de błu, e n'ałtra miscea scura.
11
Vien progetai łaori, vien fati studi e canpionature de
decori, picoi e anca de notevoe riłievo. Sua ł‟idea e eł
studio par un senpłice e pratico catałogo de miscee par ła
vendita, anca se un poco pesante. Per ła prima vołta si è
usciti dał “piano” ed hanno avuto una notevoe deffusione
per ła łoro sempłicità
d‟uso.
çercando de risołver i
probemi a ł‟interno dee
aziende BISAZZA, crea ił
primo “łibro prodoti”
aziendae.con tuti i articoi de ła BISAZZA., co inumerevoi miscee e decori.. Da cueł
momento, ogni miscea ha un soł nome e no pì nomi, in base a łe naxion, creando
confusion a ł‟interno de ł‟azienda.. Da cueł momento ogni ano vien stampà eł novo ŁIBRO PRODOTTI.
Segue a fotografia aziendae per ołtre do lustri, fin ał gran sviłupo de
questa, intuendo a necesità de un archivio imagini de opare de ła
BISAZZA. Grazie anche a questa bibłioteca dełł‟immagine, ha potuto
prendere ił via ła pubbłicità dełła BISAZZA in tutte e sue forme,
disponendo de ołtre 10.000 diapositive rigorosamente numerate e
catałogate per progetto.
Un giorno forse, caminando par Ginevra, ve imbaterete in scrite soł
marciapie a moxaico, JE NE SAŁIS PAS ES TROTTOIRS! (mi no
sporche eł marciapie) con un can a moxaico ed una frecia. Ghe ne
tre disegni diversi. I decori indica a pi vicina toilete par cani. I
sviseri i è stati i primi a crearła, e cosa eo de mejo de na scrita soł marciapiè?
Vien progetae par ani fiere e Show Room in tut ił mondo e eł łoro materiae espositivo, sopratut par eł Cersaie a
Bołogna.
Progeta eł primo Show Room BISAZZA a Mosca ed Hong Kong.
Si eseguono studi par decori standard
in pavimenti e pareti.
Un esempio : un fołio standard par un grando
pavimento, co sołtanto 4 tèssere tagłiate.
cm. 180 x 60 moduło cm. 30 x 30 co materiae Siłex 50x50 mm.
decori novi par parete
portai in Cersaie,
e ł‟ano dopo i è stati
copiai: stanpai su piastree,
soł egno in intarsio,
decori co marmo taja e co scavo łaser ne ła pietra, insoma in tute e forme che se podea.
Decori par bagno, co tèssere de vero de mm. 20x20, tajae con un disco diamantà co acua. Do decori de campion.
12
Decori par pavimento e parete co material Opus Romano la cui tèssera misura mm. 12x12
vien creà un archivio decori standard per ił bordo ne łe piscine, con ołtre 220 nuovi decori.
Do foto curiose
de studio par decori e campionatura.
Suo eł primo studio, a ła Mosaici Cantù de Miłan par a esecusion de sfumature par e pareti ałte de łe piscine, co
tèssere 20x20 miłłimetri.
E sfumature vien poi perfesionae deventando de vari coeori. Insoma 24 miscee numerae de diversa coeorasion e
deventava sfumatura
Nei ani sucesivi, co ła reałisasion de un nuovo formato par e tessère de oro, che poł cuindi esar inserie ne ła
sfumatura, łe sfumature łe vien ristudiae e diminuise eł numero de łe misee. E deventa un punto de forsa ne łe
vendite BISAZZA.
13
E‟ partìa da „na necesità a prima idea e dopo el studio par decori in 10x10 mm., ades de łargo uso da tute e
principai inprese che produse moxaico, no soło, ma se trova anca co finti mosaici ne łe piastree, e tèssere smałtate
fate in 10x10 miimetri.
Ło studio me iera stat błoccà par ołtre do ani, fin cuando a concorensa veva portà soł mercà a novità. Pol esar usà
nei decori, nei ritrati, nei bagni, e in mołti ałtri łuoghi. Ła so forsa è ne ła so dimension ridota rispeto ał
tradizionae 20x20 mm.
Eł nostro occio lexe manco a forma de ła tèssera, e lexe mejo el disegno. Inołtre eł formato 10x10 lè modułare ał
formato 20x20. Ałcuni esempi de łaori de ła dita BISAZZA su studio de architetti.
Nełł‟anno 2000, con cambio gestione aziendae e con ła creazione de un nuovo Ufficio Acquisti in BISAZZA,
Saciłotto deventa buyer con un baget de ołtre 7.000.000 de euro ł‟ano, Eł a seguiò materie prime, materiae
sicurezza, cancełeria, materiae sanitario ed igienico, materiae per posa e cołłanti con ła MAPEI., ed ałtro.
“A ła fin deł 2006, con ła dełocałissasion de ła BISAZZA, Lino
Sacilotto eł finise a so atività ne ła granda azienda, dopo 27 ani, e
pòdendo dispor de un magior tenpo łibaro, continua privatamente
ne ła sua pasion: eł moxaico artistico, graxie a ła so płurienał
esperiensa che spasia neł decoro musivo de ogni quałsivogłia
genere, e che trove na cołocasion in edifici privati, pubłici e
reigiosi, sia a ł‟interno che ałł‟esterno. Eł preferise però decori
che i posa trovar un posto a ł‟interno de łe abitazioni. Continua ła
sua opera de divułgazione de ł‟Arte deł Moxaico.”
L‟amigo Mario Salini - Sardinien – EU
14
Do momenti de laoro so l‟Ultima Çena e so Turisti a Venexia
particoear de a mostra a giugno 2010 a Ałte Ceccato (Vi)
15
me papà
Łuigi Saciłotto (1915-2001) , scrittore in Łengua Veneta de favoe sugłi animałi ed epigrammi su ł‟amor
epigrami
Ł’amor: o tempesta o festa Ł’amor no ga règoe, e règoea tuto. I morosi i se incontra, i maridai i se scontra. Ła beesa te inbriaga, te perde, te buta ał verde. Ł’amor, un istinto che bate i ragionamenti dea fiłosofia. Eł matrimonio ł’è ‘na guera, nei armistisi vien stanpà i fiòi. Ał tempo deł pajon e dei travi in camara da eto, a poesia jera de casa. Eł matrimonio ł’è un gran jorno, anca par i schèi che vièn spendùi. Eł cavałoto, ai tenpi de me nona, se ciamèa ponte deł deagoeo. Ł’amor xe roba de cuor, che’ł xerveł no’ł sa spiegar. Ł’amor, a darghe spago, eł deventa gemo. Ogni fèmena ła è un deagoeo a sé. Ł’amor fa mał a chi no ło fa.
cavałoto = zona cavałło dei pantałoni Łuigi Saciłotto pajon = materasso fatto con e fogłie dełe pannocchie - gemo = gomitoło
No se poł voer amor, sensa darło. Ł’amor xe na fiaba per putei cresùi.
A destanse vicinàe, ł’amor sał…e pévare. Ł’amor xe un orbamento che’ł va a pałpeta.
Chi se inamora ride e pianze, apunto come fa i mati. E curve de ł’amor xe quee stesse de ła vołta ceeste.
I morosi pensa ał doman, ma queł che i voł far, i ło fa subito. Ła dona no se conpra, se conquista un toco anatomico a ła vołta.
E vecie e ghe domanda łore eł médego se e deve spogiarse. Chi se amała de amor, no serve che’ł vada dał dotor.
Ł’amor porta ał sesso e’ł sesso ło copa. Ł’Amor comandà no eseguisse i órdeni.
Ł’amor xe un ris-cio e un vis-cio. Ł’amor, se no fruta, sfruta.
A manca, Luigi Sacilotto a Viena, darente a un negoxio
… special par i veneti.. I primi ani de a me vita
Quando nàsse un principe de ‘na casa regnante, i vièn sparài no so pì quanti colpi de canòn, ma quando son nasù mi, i spari i è ‘ndati vanti par ben tre ani, no in me onor e gnanca par i putèi nasui in quel periodo, ma parchè ghe jera a prima guera mondiàl. Me mare, Piovesan Giovanna, a me a mès al mondo el quindese otobre mienovesento-quindese, ae sete de matina, ne a penombra de ‘na camera freda, al primo piano de ‘na vecia casa de Anone Veneto, un pìcoeo e dolse paese dèa pianura veneta. Soto al balcòn dea camara, ghe jera ‘na nicchia piturada co’ ‘na Madòna col Banbin Gesù. Sesanta-setanta chiometri a oriente dèa me casa, se trovèa a prima linea del fronte, de quea maedeta guera… Me pàre, Giuseppe Sacilotto, caporal major, el jera là, in prima linea, e lè stat fin che là vù ‘na licensa, e alora se vèn vist par a prima e ultima volta. Me restà de lu ‘na soea fotografia co’ a divisa mijtar.Mi porte, come da tradision, el nome de me nono Luigi, mort nel 1900 e jere un fiòl tant desiderà e amà. Nel jugno del sedese, me pare lè stàt copà dai austrungarci col gas asfissiante. El el vèa soltanto trentaun ani e la lasà a femena e un f iol de oto mesi, entranbi sensa alcun sostentamento…..
16
amico e conpagno.
Pietro Cantù (1916-2008) Insigne Artista Internasionae
Ne ła foto da sinistra: eł fioł Carło Cantù, Łino Saciłotto e Piero Cantù ne ła sua casa-studeo 17 gennaio 1992
Soto tre foto: Piero Cantù ał łaoro de na scułtura neł łaboratorio de
Corsico, Miłan, ał centro ła scułtura deł Cavałło, simboło deł łavoro, ne ła
so prima cołocasion, in piassa San Paoło a Ałte Ceccato, in una cartołina
deł jorno de ł‟inaugurazione. Ora ła scułtura ła è ne ła rotonda de Ałte
Ceccato.
A destra Imełda, mogłie presidente Marcos, Fiłippine. Atułmente neł
museo de Maniła.
17
da Lino
Per cuanto mi posa aver fato neł canpo de ł’arte, e par cuanto podarò ancora far:
un graxie a me pare Łuigi (Gigeto), indimenticabie pare.
un graxie a ła me unica maestra Rosita Gułino.
un graxzie a mi mama, e a tuta a Xente Veneta par i insegnamenti morai ricevui,
e par a spinta de cueł periodo de infansia in cui ghe jera anca miseria e anca fame, e
che ne a parmes de cresar.
un graxie a Piero Cantù, co cui o vudo eł priviegio e ł’onor de cołaborar senpre,e de
iutarse e consiłiarse neł łavoro e ne ła vita privada ł’un ł’ałtro da boni veri amighi.
par ułtimo, un graxie a chi mi a ciapà a “całci”.
Tante vołte łè a mejor medesina par cresar.
Lino Sacilotto
Muxaicista de San Marco ne la milenaria Tera del Popoeo Veneto
www.sacilotto.net [email protected]
36040 Meledo di Sarego (VI) Veneto – Europa
1951 classe 5° di Jesolo Centro - Insegnate Rosita Gulino di Pirano Istria
da manca Vazzoler Bruno, Lovat Riccardo, Saramin Ettore, Zorzetto, insegnante Rosita Gulino,
Pianura Giuseppina, Storto Adelaide, Grandin Mariuccia, Bottan Marilena, Polo Sergia.
in basso Pasquali Roberto, Sacilotto Lino, Ballarin Fiorenzo, Senno Carlo, Franzo Dino, Sforza Ludovico,
Busanel Paolo, Berto, -, ---.