Yugopa 11 tipa Biata Diwi 16, 2019

Regbo ayangada akurungbu. Yugoti 15

Bambata kurungbu. Yugoti 16:1-11

Sita kurungbu

Ferata Di ki ugudi. Yugoti 16:12

Agu asangba satana du biata. Yugoti 16:13-14

Gu vura nga ga Aramegido. Yugoti 16:15-16

“Ono mo tigamo du na kiki! Da rengbe ka ru ku bara bangiro ho ga zinga natona ni? I gi ga sarangbanga no naye angbangbaturu yo; kpotosende agunde ki ru zaa, ho Mbori aguari ni sa sarngbanga, ka batasa bayee aboro dunduko kpotosende no.” (Atam. 76:7-9)

Wa kina ti woro gu pai nga ga bake Atambuahe, Yugoti 15 nayugo agu yo nika ru kuari kindi da kina ti regbo sapangbanga kazakaza zegino re, Gbia nika yaga ka batasa gako aboro. (Yugoti 16).

Aboro ni basasa du waka i du na regbo tipa ka sia watadu iriso Mbori watadu nyarinde. Yuani ki bi a gu aboro ru nyanyaki, nga agu yo idi pa Mbori. Ono regbo dia gayo mosoro kidu kindi.

Gi ngera kutipa re kidu kia ngbangbaturu yo. (v. 5). Gime kini kuru yakaru yo. (Gate. 40:34-35; 1Bambata Bakindo. 8:10-11). Gu sunge nga hombupai du Yakaru ngbangbaturu yo ki nyasi. Regbo mbupai ki ru.

Biata maraika aima pe he. Awere tie, aboro du ki di gu mosoro nga ga yo dakutipa.

Agi akurungbu re na wira kina agu akurungbu nadu Egipto yo. Si na yugo nyaka ngbaduse nga ga agu yo idi ka iriso nyarinde. (v. 2 y 9), na gu zanga ume nga ga satana, ka ko aundo ngo airisiko nani ya. (v. 10-11).

Fuo gu kere mosoro nga ga agu akurungbu du biama mbata, zegino nika aria tiri kuti nyarinde sana he tipa undohe. Ono ka nyarinde arengba nga na ka undo yo ya. (Gari basungo kidu kini wiri kina bitimo). Ono aboro aida nga ka ida ha nga airaingapai nga yo te; ono kini fura gbegbere kuti Mbori.

v. 2 v. 3

v. 4-7 v. 8-9

v. 10 v. 11

Gu sita kurungbu na tona na gu ti nga ga Babera. Anika saka pa gire rogo gu achapter nika ye ku mbatayo. Gu ime nga Ferata augudi nzunzu fuo ti Babera ku be Cyrus. Ka Sunge Papa undo ngo te. Ono ti ni ka aria tihe fuo agu akanisa nga aprostent. Ni nyagada ha, ti ue du, ki zanga gaha songoda be aboro, na gu regbo nga ga yego Gbia ki da tipa ka dia gako aboro (v. 15).

Ti ki tadu tie were, bakitingbanga ki mbakadi tiko tipa vura bambika ko aida nga ka zanga gako basungo te.

Satana ki kidi afugo biata wa kina ga Mbori apangbanga ko akedi gako amaraika du biata nani, du rogo Yugoti 14. Tipa ka manga woo, ko ki kedi atoro (daragona), sunge apapa nga (nyarinde), na akanisa prostente du mere fuo asunge apapa (zire nebi).

Ti gu regbo re, Mbori kima dia gako toro ku sayo ti agu yo kaako. Ti ipi fu yo idi nangi yo na ga bakitingbanga ihiriwo mangaapai na yugoapai. Iki sati yo koyo du ko ni. (Mo bi 1 Tesaraniko 2:11-12).

Yangada ha nzunzu: “Oni ngere mi naye wa iradi.” (v. 15). Satana ki zubo he ni babmbata ha.

“I ki dungura yo ku rogo gu ba i niya ti ni rogo pa Ebere yo, Aramegido.” (Yug. 16:16)

Aramegido wa kai ya “gangara Megiddo” rogo pa Abere. Rago ho du gu rimo re ku ri he te, ono rogo ringara aparestino, ba kino ho ya ayamba ha nga “Megiddo.”

Gu re nangia gu ba i a so adungu avura rogo ho. Gbegbere na ruru abakindo akpiki yo. (Ahazia, 2K. 9:27; Yosia, 2Abakindo. 23:29).

Na gu yangada so vura nga ga satan re, Satana ki asadi ka so vura kuti kiaro nga agu yo nye niidi kindi kuti Mbori. Ho ani anye ni kindi ni idi pa Mbori, ana ru regerege. Gu zubo he re ni ka du ni tunguatunguaha be gu ukahe nga ga saba kurungbu (v. 17-21). Gi re ni manga ngbutuko mbata fu “betedi maabangirise nga ye gu taarimo nga ga gaani bakere Mbori na Batasirani Yesu Kristo.” (Tito 2:13)

“Ho Yesu anaru ni dagba Mbori na boro ingapai,

mbupai aduadu fu aboro; ono ho ko nika zora ni

ku sayo dagba boro na Ba, iki di mbupai kusayo na

Satana ki gbura kuri aka pa Mbori (unrepentant-

impenitent) Ka i ukanga ahu akurungbu Yesu

kidu kindi Yekaru ngbangbaturu yo te. Ono ho

gako sunge nika nyesa ni, Gako mbupai nibasa ki

kisi. He ho berewe nika rugusa gu kere zinga nga

ga Mbori kuri boro ingaapa, nga guni na ka zahe

na rugahe tipa bata te. Ti gi regbo gunde re, na fuo

Ga Yesu mbakada sungo, asanto ki raki zanga

Boro mbakada sungo. Mbori ki sa apai du ti da

kuti yangadaha.”

E.G.W. (Early Writings, p. 280)

“Ga Mbori aboro adu nga na raniri beyo kuri aima te; i

ani sogo yo asoga na ki mbusi yo ambusa. Ho du i kani

mbuyo kusa yo ti apai du; ono ka i ambunga yo i kpi ya.

Gu Mbori naangera fuo Eria, ka ko asisa nga agu

awiriko fu tiyo fu gbigbitako ya. Gu Ko na Geda mange

riyo ki ngere fuo yo. Regbo gomoro, i ki mbisi yo. Ho

gbigbita yo nika kpi ni be gomoro na akaza, amaraika

ki mbakadi bara aruru yo ki fu agu he i aida ha fu yo.

Gu ni ‘na ta ni ruru ni’ gire nga kidohe fu ni; gani ime ni

nzunzu ime. Ho ira rungo na boro zingo ni gbata ime ni

kani abingo ho ya, mira yo ki ugu, Mi nga Mbori ki gi

fugo yo, Mi du gu Mbori nga ga Israere ko, ka mi ka nga

yo te.’’ Yesaya 33:15, 16; 41:17

E.G.W. (The Great Controversy, cp. 39, p. 629)