Upload
trinhnhan
View
256
Download
32
Embed Size (px)
Citation preview
MICHAEL COLLINS
FICHA TÉCNICA
Título orixinal: Michael Collins
Nacionalidade: Norteamericana
Ano de producción: 1996
Director: Neil Jordan
Intérpretes principais: Liam Neesson, Aidan Quinn, Alan
Rickman, Julia Roberts
Guión: Neil Jordan
Música: Elliot Goldenthal
Fotografía: Chris Menges
Duración: 132 min.
O DIRECTOR E A OBRA
Neil Jordan é un director irlandés que gusta de realizar filmes nos
que a acción está centrada nun personaxe, caso de Michael Collins,
ou de explorar mundo poéticos que se abren a horizontes que
sobrepasan o mundo consciente. En 1992 recibiu o Óscar ao mellor
guión orixinal pola película que tamén dirixiu Xogo de bágoas (The
Crying Game). Entre os títulos da súa filmografía destacan: En
compañía de lobos (The Company of Wolves, 1984), Mona Lisa
(1986), O hotel das pantasmas (High Spirits, 1988), Entrevista a un
vampiro (Interview with the Vampire, 1994), Nos meus soños (In dreams, 1999),
Almorzo con Platón (Breakfast on Pluto, 2005), Bizancio (Byzantium, 2013).
Michael Collins narra a actividade deste líder da independencia
de Irlanda que loitou contra as forzas de ocupación inglesas.
Xunto cun grupo de compañeiros realizou numerosas accións
violentas que provocaron una dura resposta por parte das
autoridades inglesas. A película centra a actividade dos grupos
independentistas entre o alzamento da Pascua de 1916 ata o
asasinato de Michael Collins, o 22 de agosto de 1922 durante a
guerra civil que asolou Irlanda durante o proceso da súa
independencia.
Michael Collins recibiu o premio á mellor película e mellor actor -Liam Neesson- no
Festival de Venecia (León de Ouro de 1996) e foi nomeada a dous Óscars.
Síntese cronolóxica da historia de Irlanda
-1800: Acta de Unión: os parlamentos de Irlanda e Gran Bretaña deciden unirse,
eliminando o parlamento irlandés, e formar o Reino Unido de Gran Bretaña e
Irlanda.
-Ao longo do século XIX sufriu Irlanda varias crises agrícola que provocaron
terribles fames, situación que se agravou coa praga que arruinou a colleita de
patacas en 1846. A fame obrigou a milleiros de irlandeses a emigrar,
fundamentalmente a Estados Unidos, desde onde se financiou e apoiou o
movemento independentista irlandés.
-En 1858 creouse o movemento independentista coñecido como os fenianos
(Irmandade Republicana Irlandesa), una organización secreta que trataba de
conseguir una rebelión armada contra os británicos.
-En 1912 o Parlamento inglés aprobou una lei que outorgaba autonomía
administrativa a Irlanda, pero o comezo da Primeira Guerra Mundial atrasou a súa
aplicación.
-En 1916, ante a demora da aplicación da lei de autonomía administrativa, os
nacionalistas intentaron levar a cabo una rebelión (Rebelión de Pascua). Como
reacción, a represión británica foi moi dura, impoñendo longas condenas de cárcere
e execucións sumarias de varios líderes. A actitude británica provocou una onda
simpatía polos condenados e pola causa nacionalista, o que incrementou os
partidarios do partido do Sinn Féin.
-En 1918 o Sinn Féin, o brazo político do IRA, gañou as eleccións conseguindo 73
escanos dos 105 que lle correspondían a Irlanda. Pero os novos parlamentarios non
acudiron ao Parlamento británico senón que se reuniron na Mansion House de
Dublín; estableceron o parlamento revolucionario irlandés e proclamaron a
República de Irlanda en 1919, que non foi recoñecida por Gran Bretaña.
-Entre 1919 e 1921 o IRA levou a cabo una intensa loita armada contra as unidades
británicas (Guerra anglo-irlandesa).
-En decembro de 1921 Gran Bretaña concedeu a independencia a Irlanda (Estado
libre de Irlanda), pero non a toda a illa, porque seis condados do norte seguían
formando parte de Gran Bretaña, o Ulster. Produciuse entón a escisión entre o IRA
(Exército Republicano de Irlanda), liderado por Tom Barry, e os partidarios do
acordo, liderados por Michael Collins.
-Entre 1922 e 1923 desenvolveuse a guerra civil entre os partidarios –Michael
Collins- e os que non aceptaban o acordo –Eamon e Valera-.
-En 1937 Irlanda pasou a denominarse oficialmente Eire e a Constitución
republicana establece un sistema de democracia representativa.
-En 1949 cortáronse os derradeiros vínculos que aínda existían con Gran Bretaña e
proclamouse a República de Irlanda, que desde 1973 é membro da actual Unión
Europea.
GUIÓN DE TRABALLO
Como irlandés, o director desexaba poder realizar un filme de homenaxe aos que
loitaron pola independencia do seu país, de modo que escribe o guión e dirixe este filme
no que presenta esta loita a través dos trazos e características do carismático líder
Michael Collins. Irlanda estaba sometida a Gran Bretaña desde 1800 e non conseguiu
ser un estado libre ata 1922, logo dunha intensa loita na que tiveron lugar numerosas
accións violentas por parte dos dous bandos.
Como orientación para elaborar un comentario sobre esta película, os centros de
atención poderían ser os seguintes:
O contexto histórico
-Entre que datas se desenvolve a acción?
-Cal é trama central da película?
A loita pola independencia de Irlanda
-Por que os irlandeses loitaban contra os ingleses?
-Que significou a Rebelión de Pascua de 1916 no proceso independentista?
-Era unánime o apoio dos dublineses aos métodos seguidos polo IRA?
-Como reaccionaron os irlandeses ante a dura represión británica contra os
líderes nacionalistas?
-Análise dalgunhas escenas destacadas (o inicio coa Rebelión de Pascua, a
matanza do estadio, asasinatos de oficiais británicos…).
O personaxe central: Michael Collins
-Comentar os aspectos máis destacados deste líder nacionalista irlandés a través
da interpretación do director do filme, fixándose en cuestións como: Que
defendía? Que métodos empregaba? Por que se lle considera un dos pais da
patria irlandesa? Como e cando morreu? Que trazos destaca o director da súa
personalidade?
As tensión entre os bandos. A guerra civil
-Entre dous destacados líderes –Michael Collins e Eamon de Valera- existiron
fortes diferenzas que mesmo acabaron por enfrontalos. Cal foi a principal razón
deste enfrontamento?
Valoración global
-Esta película permite reflexionar sobre varias cuestións relacionadas con:
-O papel dos líderes nun proceso revolucionario.
-Os métodos empregados para conseguir os obxectivos.
-O concepto de terrorismo nun proceso, como o que analiza o filme, de
independencia.
-O papel dos directores ante un feito histórico. Tomar partido por unha
determinada opción?
-Como combinar ficción con realidade histórica?
Na valoración no traballo terase en conta: a calidade e a exposición dos contidos (1
punto), a presentación da información (0,5 puntos) e as referencias bibliográficas (0,5
puntos). Para comprobar a eficacia e utilidade da elaboración do traballo, no exame
terás que responder a unhas breves cuestións formuladas especificamente sobre algún
dos aspectos que figuran nel.
Lembra que o prazo de entrega do traballo son as 24 horas do día anterior ao exame se
o envías por e-mail ou no momento do exame se o realizas en papel.