Yesu Shangai Wa

Ai Lam

Ma ni a matu Chyum LaikaKumhpa

Ka Lajang ai: Edward Hughes

Sumla Sama ai: M. MaillotAlastair Paterson

Hkrang Jahtuk ai: E. Frischbutter; Sarah S.

Ga Gale ai: Doi Mai Bashi

Galaw Shapraw ai: Bible for Childrenwww.M1914.org

©2020 Bible for Children, Inc.Ahkaw Ahkang: Ndai maumwi hpe, hpaga hku n dut ai sha,

ginlen la, (snr) dip shapraw la mai ai.

Kalang mi hta, Karai Kasang gaw Mari mying ai mahkawn langai hpang de, lamu kasa Gabriela hpe shangun dat wu ai. Gabriela gaw, “Nang na-um nasin rai wa nna shadang sha shangai na rin dai. Shi a amying Yesu ngu na rin dai;

Dai wa gaw galau kaba na

ra ai rai nna, htani htana e a up nga na

ra ai.”

Shaloi Mari gaw, “Dai gaw kaning rai byin na ata? Ngai la n chye nngai.” Ngu nna bai tsun wau ai. Lamu kasa gaw, Dai kasha gaw Karai Kasang kaw na sa ai re hpe tsun dan wu ai. Shinggyim Kawa gaw n nga lu ai.

Lamu kasa gaw; Mari a amyu jan Elisabet mung, gumgai rai saying, na-um nasin hkum rai nga sai lam hpe tsun dan wu ai. Ndai lam gaw, mauhpa mabyin rai nga ai. Kade nna yang, Mari gaw Elisabet hpang de sa chyai wu ai. Shan gaw Karai Kasang hpe rau jawm shakawn wu ai.

Mari gaw, Yawsep e mahtan da sai re. Yawsep gaw Mari na-um nasin re ai lam hpe chye nna, grai myit n pyaw wu ai. Shi gaw, dai ma hpe kaga la a kasha shadu wu ai.

Yawsep a yupmang hta; dai kasha gaw Karai Kasang a kasha re ai lam hpe, lamu kasa tsun dan wu ai. Yawsep gaw, Yesu hpe yu lajang ai Mari hpe garum na wa re.

Yawsep gaw Karai Kasang hpe kamsham ai hte madat mara ai wa re. Shi gaw mungdan a gawda masa ni hpe mung, hkan nang ai wa re. Mungdan ting hta amying jahpan hta nga ai aten re majaw, Yawsep hte

Mari mung mying jahpan

bang na matu Betlehem de sa wa wu ai.

Dai yang e Mari gaw shangai nhtoi gu wu ai. Yawsep gaw manam jarawp tam ai raitim, yawng

gaw hpring mat saire majaw shanhte

a matu shara n

nga malu ai.

Jahtum e, Yawsep gaw ulawng hta shara man nga ai hpe mu wu ai. Dai shara hta, Yesu hpe shangai wu ai.

Nbat hte kayawp nhtawm,ushat wakang hta

kaleng tawn da wu ai.

Ya, dai ginwang e sagu rem ai masha ni gaw, shanhte a sagu hpe sin nga ma ai. Lamu kasa gaw shanhte a makau e htoi kabrim let pru wa ai.

“Daini na nhtoi hta Hkye hkrang la ai wa Hkristu ngu ai Madu gaw, Dawi a mare e nanhte a matu shangai wa sai. Ma chyangai langai mi ushat

wakang hta kaleng taw nga ai hpe nahte mu na marin dai.”

Lamu de na lamu kasa wunawng wuwa gadaga, akajawng sha dan pru nna, ‘Matsaw lahta tang e Karai Kasagn

gaw hpung

shingkang rawng nga u ga:

Ga ntsa e mung shi sharawng awng ai masha ni hta, ngwipyaw ai gaw anga nga nu ga law,” ngu nna shakawn

wu ai.

Sagu rem ai ni gaw lawan sa nna, Ma chyangai hpe sa nawku wu ai. Dai hpang, shanhte gaw, lamu kasa tsun dan

ai Yesu a lam hpe, mashani hpe tsun dan wu ai.

Nhtoi mali-shi ya na ai hpang, Yawsep hte Mari yan gaw Yesu

hpe Yerusalem mare de woi sa wu ai. Dai yang e, Simun ngu ai wa gaw shi a lata hte dai ma hpe pawn la nna Karai Kasang hpe shakawn kungdawn wu ai.

Yesu gaw Karai Kasang a kasha, hkyela Madu re ai hpe shan chye ma ai. Yawsep gaw Hkrudu lahkawng hte, hkungga nawng jau wu ai. Ndai gaw, n lu n su ai ni, kasha shangai yang, nawng jau ra ai hkungga rai nga ai.

Kade n na yang, shagan kaba langai mi gaw, singpraw mung na hpaji rawng ai ni hpe

Yerusalem de woi sa wa ai. “Shangai wa sai Yuda hkawhkam gaw kanang rai nga ata?” Shanhte san wu ai. “Anhte shi hpe nawku na sa ga ai.”

Herod Hkawmhkam dai ga hpe na jang, dai hpaji rawng ai ni hpe; Yesu hpe tam mu ai shaloi shi hpe mung wa shana ya na matu tsun wu ai. “Dai ma hpe ngai sa nawku mayu ai,” ngu nna masu tsun wu ai. Herod gaw Yesu hpe sak kau mayu ai re.

Shagan gaw Yawsep, Mari hte ma Yesu nga ai nta de, hpaji rawng ai ni hpe lam madun ya wu ai. Shanhte gaw hput di di nna, ma Yesu hpe nawku let: Aja, Lawban

hte Mura ngu ai kumhpa hpe sak ya mu ai.

Hpaji rawng ai ni hpe Karai Kasang shadum wu ai majaw, shanhte gaw tinang a mung de akatsin sha wa mat ma ai. Herod gaw dai hpe chye jang, ja ja masin pawt wu ai. Dai majaw Herod gaw lasha ma kaji

nlang hte hpe sat

kau shangun wu ai.

Raitim Herod gaw Karai a Kasha hpe hpa n lu galaw wu ai. Yawsep a yup mang hta Karai Kasang shadum wu ai hte maren, Yawsep gaw ma

Yesu hte shi a kanu hpe woi la nna, Egutu mung de hprawng

mat wu ai.

Herod si mat ai hpang,

Yawsep gaw ma Yesu hte Mari hpe Egutu mung kaw na bai woi wa nna, Galile nawng makau na, Nazaret mare e nga ma ai.

Yesu Shangai Wa Ai Lam

Karai Kasang a Mungga kaw na Maumwi, Chyum laika,

hta mu lu ai

Mahte 1-2, Luka 1-2

“Na a Mungga chyinghka lam gaw nhtoi jaw nga ai.” Shakawn Kungdawn 119:130

Ngut Sai

Chyum maumwi ni gaw, anhte hpe hpan da nna, Shi hpe chye shangun mayu ai Karai Kasang a mauhpa lam ni hpe tsun dan nga ai re.

Karai Kasang gaw, anhte yubak mara tawt lai ai hpe Shi chye wu ai. Yubak a ari gaw si ai re. Raitim Karai Kasang gaw anhte hpe grai tsawra ai majaw, shi a kasha shingtai Yesu hpe, mungkan ga de shangun dat nna, wudang ntsa e si hkam let, anhte a yubak mara a matu, ari hkrum sai re. Madu Yesu gaw kalang bai hkrung rawt nna, Sumsing Lamu de lung mat

sai re. Nang madu Yesu hpe kam ai hte, na a yubak mara ni hpe raw dat hkau na matu hpyi nem yang, Shi raw dat kau ya na re. Shi gaw, na a

kata e hkrung nga nna, Shi hte rau prat tup lu nga na re.

Ndai lam gaw, kaja nan tengman ai lam re hpe nang kamsham yang, Karai Kasang hpe ndai hku hpyi nem u:

Tsawra ai Yesu, Nang gaw, Karai re ai sha n-ga, shinggyim masha hku sa pra nna, anhte a yubak mara a matu si hkam let, kalang bai

hkrung rawt wa sai hpe, ngai kamsham ga ai. Chyeju hte, nye a prat de Nang shang let, nye a yubak mara ni hpe rawdat hkau ya rit.

Shingrai yang, ngai gaw prat ningnan lu nna, lanimi na ninghtoi hta Nang hte rau, lu nga na re. Na a matsun maroi ga hpe hkan nang chye na hte,

Na a kasha langai hku sak hkrung chye na matu ngai hpe karum la et.

Shani shagu Chyum laika hti let, Karai Kasang hte ga shaga u! Yawhan 3:16